КЫРГЫЗ РЕСПУБЛИКАСЫНЫН ӨКМӨТҮ

БУЙРУК

2011-жылдын 15-июну № 232-б

Брюссель шаарында (Бельгия Королдугу) 2011-жылдын 23 жана 24-июнунда болуучу Европа союзу - Кыргыз Республикасынын кызматташтыгы боюнча комитеттин онунчу жыйынынын жана Европа союзу - Кыргыз Республикасынын Соода жана инвестициялар боюнча чакан комитетинин он биринчи жыйынынын ишине катышуу үчүн:

1. Кыргыз Республикасынын Өкмөтүнүн төмөнкү курамдагы делегациясы бекитилсин:

Абдыгулов Т.С.(*) - Кыргыз Республикасынын Өкмөтүнүн Аппаратынын экономика жана стратегиялык өнүктүрүү бөлүмүнүн башчысы, Кыргыз Республикасынан ЕС менен кызматташуу боюнча улуттук координатордун милдетин аткаруучу, делегациянын башчысы;

Кемелова Д.А. - Кыргыз Республикасынын тышкы иштер министринин орун басары, делегациянын башчысынын орун басары;

Байгончоков М.К. - Кыргыз Республикасынын финансы министринин орун басары;

Азылов Ж.К. - Кыргыз Республикасынын Бельгия Королдугундагы Атайын жана Ыйгарым укуктуу элчиси, Кыргыз Республикасынын Франция Республикасындагы Атайын жана Ыйгарым укуктуу элчиси, айкалыштырып иштөө боюнча Кыргыз Республикасынын Европа коомчулугу комиссиясынын алдындагы туруктуу өкүлү;

Кожобеков А.Э. - Кыргыз Республикасынын Өкмөтүнө караштуу Мамлекеттик бажы кызматынын төрагасынын орун басары.

2. Кыргыз Республикасынын Өкмөтүнүн делегациясынын Брюссель шаарына баруусу менен байланышкан чыгымдардын ордун толтуруу Кыргыз Республикасынын Өкмөтүнүн 2008-жылдын 26-августундагы № 471 "Командировкалык чыгымдардын нормаларын белгилөө жана алардын ордун толтуруу тартиби жөнүндө" токтомуна ылайык командировкага жиберүүчү уюмдардын эсебинен жүргүзүлсүн.

Эскертүү:

(*) командировкага жиберүү жана ал жерде болуу боюнча чыгымдар Европа союзунун каражаттарынын эсебинен.