КЫРГЫЗ РЕСПУБЛИКАСЫНЫН ӨКМӨТҮ

БУЙРУК

2012-жылдын 5-сентябры № 442-б

«Кандуу апрель окуясынын курмандыктары «Мекен шейиттери» коомдук бирикмесине мамлекеттик колдоо көрсөтүү жана аны кызматтык жай менен камсыздоо максатында:

1. Кыргыз Республикасынын Президентинин Иш башкармасы «Кандуу апрель окуясынын курмандыктары «Мекен шейиттери» коомдук бирикмесине Бишкек шаары, Киев көчөсү 96, «Б» дареги боюнча жайгашкан мамлекеттик административдик имараттагы № 314 (аянты 12,9 квадрат метр) жана № 315 (аянты 13,2 квадрат метр) кабинеттерин кайтарымсыз убактылуу пайдалануу шартында, коммуналдык кызмат көрсөтүүлөрдү жана эксплуатациялык чыгымдарды төлөө менен 3 (үч) жылдык мөөнөткө бекитип берсин.

2. Бул буйруктун аткарылышын контролдоо Кыргыз Республикасынын Президентинин Иш башкармасына жүктөлсүн.