КЫРГЫЗ РЕСПУБЛИКАСЫНЫН ӨКМӨТҮ

БУЙРУК

2012-жылдын 20-февралы № 54-б

ФАТФтын (Акчаларды адалдоого каршы күрөшүүнүн финансылык чараларын иштеп чыгуу тобу (Тhе Financial Action Task Forse (FATF) 2011-жылдын 28-октябрындагы Пленардык жыйынында бекитилген Иш-аракеттер планында каралган иш-чараларды (мындан ары - Иш-аракеттер планы) аткаруу максатында:

1. Төмөнкү курамда жумушчу топ түзүлсүн:

Кадыркулов Т.А. - Кыргыз Республикасынын Ички иштер министрлигинин терроризмдин алдын алуу жана антитеррористтик түзүмдөр менен өз ара аракеттенүү боюнча бөлүмүнүн начальниги;

Бегматов Т.Д. - Кыргыз Республикасынын Жогорку Кеңешинин Экономикалык жана фискалдык саясат боюнча комитетинин бөлүм башчысынын орун басары (макулдашуу боюнча);

Жапаров Т.Т. - Кыргыз Республикасынын Мамлекеттик улуттук коопсуздук комитетинин Антитеррордук борборунун директорунун орун басары;

Калиев Б.Б. - Кыргыз Республикасынын Ички иштер министрлигинин Уюшкан кылмыштуулукка жана коррупцияга каршы күрөшүү боюнча башкы башкармалыгынын коррупцияга каршы күрөшүү боюнча башкармалыгынын бөлүм начальниги;

Кененбаев Ч.Т. - Кыргыз Республикасынын Өкмөтүнө караштуу Финансылык чалгындоо мамлекеттик кызматынын укуктук камсыздоо, эл аралык жана ведомстволор аралык кызматташтык бөлүмүнүн башчысы;

Ким Б.Л. - Кыргыз Республикасынын Өкмөтүнө караштуу Финансылык полиция мамлекеттик кызматынын штабынын юридикалык бөлүмүнүн начальниги;

Кожегулов Б.С. - Кыргыз Республикасынын Өкмөтүнүн Аппаратынын коргоо, укуктук тартип жана өзгөчө кырдаалдар бөлүмүнүн инспектору;

Кудабаев Т.З. - Кыргыз Республикасынын Өкмөтүнүн Аппаратынын финансы бөлүмүнүн салык жана бажы төлөмдөрү секторунун эксперти;

Матмусаев Т.А. - Кыргыз Республикасынын Тышкы иштер министрлигинин эл аралык уюмдар жана коопсуздук департаментинин атташеси;

Сегизбаев А.Р. - Кыргыз Республикасынын Өкмөтүнө караштуу Баңгизаттарды контролдоо боюнча мамлекеттик кызматынын оперативдүү талдоо башкармалыгынын улук оперкызматкери;

Ташбаев А.К. - Кыргыз Республикасынын Өкмөтүнө караштуу Финансы рыногун жөнгө салуу жана көзөмөлдөө мамлекеттик кызматынын баалуу кагаздар рыногун көзөмөлдөө бөлүмүнүн начальниги;

Турсункулов К.Э. - Кыргыз Республикасынын Тышкы иштер министрлигинин эл аралык-укуктук департаментинин эксперти;

Чокоев З.Л. - Кыргыз Республикасынын Улуттук банкынын төрагасынын орун басары (макулдашуу боюнча);

Шавралиева Г.О. - Кыргыз Республикасынын Жогорку Кеңешинин Экономикалык жана фискалдык саясат боюнча комитетинин бөлүмүнүн эксперти (макулдашуу боюнча).

2. Жумушчу топ:

- Иш-аракеттер планында каралган иш-чараларды өз учурунда жана сапаттуу аткаруу боюнча зарыл чараларды көрсүн жана эки айлык мөөнөттө Кыргыз Республикасынын Өкмөтүнүн Аппаратынын кароосуна белгиленген тартипте сунуш киргизсин;

- Кыргыз Республикасынын Өкмөтүнүн Аппаратына Иш-аракеттер планында каралган иш-чаралардын аткарылышынын жүрүшү жөнүндө ай сайын билдирип турсун.

3. Жумушчу топко төмөнкү укуктар берилсин:

- министрликтердин, мамлекеттик комитеттердин, администрациялык ведомстволордун, коомдук бирикмелердин өкүлдөрүн, чет өлкөлүк эксперттерди жана консультанттарды коомдук негизде белгиленген тартипте ишке тартууга;

- иш процессинде келип чыккан маселелерди чечүү үчүн мамлекеттик органдардан зарыл маалымат сурап алууга.

4. Кыргыз Республикасынын мамлекеттик органдарынын жетекчилери жумушчу топтун ишине көмөк көрсөтүшсүн.

5. Жумушчу топтун ишин уюштуруучулук жана координациялык камсыздоо Кыргыз Республикасынын Өкмөтүнө караштуу Финансылык чалгындоо мамлекеттик кызматына жүктөлсүн.

6. Бул буйруктун аткарылышын контролдоо Кыргыз Республикасынын Өкмөтүнүн Аппаратынын коргоо, укуктук тартип жана өзгөчө кырдаалдар бөлүмүнө жүктөлсүн.