КЫРГЫЗ РЕСПУБЛИКАСЫНЫН ӨКМӨТҮ

БУЙРУК

2012-жылдын 9-марты № 77-б

"Экономикалык башкаруу жаатындагы потенциалды байытуу" гранттык долбоорун ишке ашыруунун жүрүшүндө координациялоону жана контролдоону камсыздоо максатында:

Кыргыз Республикасынын Өкмөтүнүн 2008-жылдын 29-октябрындагы № 566-б буйругуна төмөнкү өзгөртүүлөр киргизилсин:

- 1-пункту төмөнкү редакцияда баяндалсын:

"1. "Экономикалык башкаруу жаатындагы потенциалды байытуу" гранттык долбоору боюнча байкоочу кеңеш (мындан ары - Байкоочу кеңеш) төмөнкү курамда түзүлсүн:

Кыргыз Республикасынын экономика жана монополияга каршы саясат министри, Байкоочу кеңештин төрагасы;

Кыргыз Республикасынын Өкмөтүнүн Аппаратынын экономика жана инвестициялар бөлүмүнүн башчысы, Байкоочу кеңештин төрагасынын орун басары.

Байкоочу кеңештин мүчөлөрү:

Кыргыз Республикасынын экономика жана монополияга каршы саясат министринин орун басары;

Кыргыз Республикасынын финансы министринин орун басары;

Кыргыз Республикасынын Улуттук банкынын төрагасынын орун басары (макулдашуу боюнча);

Кыргыз Республикасынын Мамлекеттик кадр кызматынын директорунун орун басары (макулдашуу боюнча);

"Бишкек ишкер клубу" коомдук бирикмесинин аткаруучу директору (макулдашуу боюнча).";

- 4-пунктундагы "Экономикалык өнүгүү жана соода министрлигине" деген сөздөр "Өкмөтүнүн Аппаратынын экономика жана инвестициялар бөлүмүнө" деген сөздөр менен алмаштырылсын.