КЫРГЫЗ РЕСПУБЛИКАСЫНЫН ӨКМӨТҮ

БУЙРУК

2012-жылдын 19-октябры № 506-б

Кыргыз Республикасынын Жер кодексинин 60 жана 74-беренелерине ылайык, Ысык-Көл облусунун Ысык-Көл районундагы Темир айыл аймагынын (мындан ары - Темир айыл аймагы) тургундарынын социалдык маселелерин чечүү жана Эл аралык өнүктүрүү ассоциациясы (Дүйнөлүк банк) каржылап жана Кыргыз Республикасынын Коомчулукту өнүктүрүү жана инвестициялоо агенттиги ишке ашырып жаткан Айылды суу менен камсыздоо жана санитария экинчи долбоорун ишке ашыруу максатында:

1. Кыргыз Республикасынын Ысык-Көл облусунун Ысык-Көл райондук мамлекеттик администрациясына Темир айыл аймагынын чөлкөмүндө 0,36 га аянттагы жер участокто Эл аралык өнүктүрүү ассоциациясы (Дүйнөлүк банк) каржылап жана Кыргыз Республикасынын Коомчулукту өнүктүрүү жана инвестициялоо агенттиги ишке ашырып жаткан Айылды суу менен камсыздоо жана санитария экинчи долбоору боюнча скважиналарды бургулоого, гидротехникалык курулма - скважина жасоого уруксат берилсин.

2. Кыргыз Республикасынын Өкмөтүнө караштуу Мамлекеттик каттоо кызматы жерди эсепке алуу документтерине ушул буйруктун 1-пунктунан келип чыгуучу тийиштүү өзгөртүүлөрдү киргизсин.