КР Министрлер Кабинетинин 2024-жылдын 6-декабрындагы № 781-т тескемесине ылайык КҮЧҮН ЖОГОТТУ
КЫРГЫЗ РЕСПУБЛИКАСЫНЫН ӨКМӨТҮ
БУЙРУК
2012-жылдын 24-октябры № 512-б
Кытай эл Республикасынын өкүлдөрү менен «Ош-Баткен-Исфана автомобиль жолунун 220-232 км жана 248-360 км участогун реабилитациялоо», «Бишкек-Балыкчы автомобиль жолунун Кувакы ашуусунан бурулуштагы 147 км баштап 172 км, Балыкчы шаарына чейинки участогун реабилитациялоо» жана «Бишкек-Нарын-Торугарт айланма автомобиль жолунун 9 км баштап «Манас» эл аралык аэропортундагы тегерек тоомго чейинки участогун реабилитациялоо» долбоорлорун (мындан ары - долбоорлор) ишке ашырууну каржылоо боюнча сүйлөшүүлөрго катышуу үчүн:
1. Кытай тарап менен жогоруда аталган долбоорлорду каржылоо боюнча сүйлөшүүлөрдү жүргүзүү үчүн төмөнкүдөй курамдагы ведомстволор аралык топ түзүлсүн:
Султанов К.И. | - Кыргыз Республикасынын транспорт жана коммуникациялар министри, ведомстволор аралык комиссиянын төрагасы;
|
Ведомстволор аралык комиссиянын мүчөлөрү:
| |
Исаев Ж.К. | - Кыргыз Республикасынын Жогорку Кеңешинин «СДПК» фракциясынан депутаты (макулдашуу боюнча);
|
Пирматов И.А. | - Кыргыз Республикасынын Жогорку Кеңешинин «Республика» фракциясынан депутаты (макулдашуу боюнча);
|
Бадыкеева Н.Н. | - Кыргыз Республикасынын Жогорку Кеңешинин «Ар-Намыс» фракциясынан депутаты (макулдашуу боюнча);
|
Досалиев А.А. | - Кыргыз Республикасынын Жогорку Кеңешинин «Ата-Мекен» фракциясынан депутаты (макулдашуу боюнча);
|
Жолдошева Ж.А. | - Кыргыз Республикасынын Жогорку Кеңешинин «Ата-Журт» фракциясынан депутаты (макулдашуу боюнча);
|
Байгончоков М.К. | - Кыргыз Республикасынын финансы министринин орун басары;
|
Адамкулова С.Э. | - Кыргыз Республикасынын тышкы иштер министринин орун басары;
|
Муканбетов С.Т. | - Кыргыз Республикасынын экономика министринин орун басары;
|
Садакбаев Т.У. | - Кыргыз Республикасынын Транспорт жана коммуникациялар министрлигинин алдындагы коомдук байкоочу кеңештин өкүлү (макулдашуу боюнча);
|
Абакиров М. | - Кыргыз Республикасынын Тышкы иштер министрлигинин эл аралык-укуктук департаментинин эки тараптуу кызматташуу бөлүмүнүн башчысы. |
2. Ведомстволор аралык комиссиянын төрагасына сүйлөшүүлөрдүн протоколуна кол коюуга укук берилсин.
3. Ведомстволор аралык комиссия мамлекеттик органдардын адистерин жана көз каранды эмес эксперттерди өзүнүн ишине тартууга укуктуу экени белгиленсин.
Премьер-министр | Ж. Сатыбалдиев |