КЫРГЫЗ РЕСПУБЛИКАСЫНЫН ӨКМӨТҮ

БУЙРУК

2012-жылдын 23-ноябры № 555-б

2011-жылдын 25-ноябрында кол коюлган "Бишкек шаарынын коомдук транспортун өнүктүрүү" долбоору боюнча Кыргыз Республикасы менен Европа реконструкциялоо жана өнүктүрүү банкынын ортосундагы Кредиттик макулдашууга ылайык:

1. Кыргыз Республикасынын Финансы министрлиги белгиленген тартипте төмөнкү шарттарда 10,1 млн. АКШ доллары суммасына Бишкек шаарынын мэриясы менен Субкредиттик макулдашуу түзсүн:

- кредитти пайдалангандыгы үчүн пайыздык ставка - Euribor + 1% жана маржа 1%;

- сатып алынуучу троллейбустар түрүндөгү күрөөлүк камсыздоо;

- кредиттин негизги суммасы жана пайыздар жарым жылда бир жолу ар бир жылдын 25-январында жана 25-июлунда 16 барабар бөлүк менен төлөнөт, мында кредитти биринчи жолу төлөө 2014-жылдын 25-январы жана кредитти тындыруунун акыркы датасы 2021-жылдын 25-июлу;

- төлөм кармалган учурда айып санкциялары мөөнөтү өтүп кеткен карыз пайда болгон учурдан тартып ушул карызды толук тындыруу датасына чейин - Euribor + жылдык 5%;

- кредиттин өздөштүрүлбөгөн суммасы үчүн жылына 0,5% комиссия;

- эсепти ачкандыгы үчүн кредиттин суммасынан 1% комиссия.

2. Бул буйруктун аткарылышын контролдоо Кыргыз Республикасынын Өкмөтүнүн Аппаратынын финансы жана кредит саясаты бөлүмүнө жүктөлсүн.