КЫРГЫЗ РЕСПУБЛИКАСЫНЫН ӨКМӨТҮ

БУЙРУК

2012-жылдын 25-майы № 214-б

Кыргыз Республикасынын ички иштер органдарынын ыкчам-кызматтык иштеринин натыйжалуулугун жогорулатуу максатында:

1. Кыргыз Республикасынын Өзгөчө кырдаалдар министрлиги:

- белгиленген тартипте Кыргыз Республикасынын Өзгөчө кырдаалдар министрлигинин балансынан Кыргыз Республикасынын Ички иштер министрлигинин балансына 50 (элүү) даана сандагы резервдеги мобилдүү турак үйдү өткөрүп берсин;

- аталган мобилдүү үйлөрдү ташуу үчүн атайын техника бөлсүн.

2. Кыргыз Республикасынын Ички иштер министрлиги:

- ушул буйруктун 1-пунктунда көрсөтүлгөн мобилдүү турак үйлөрдү балансына кабыл алсын;

- аларды ташууну жана орнотууну камсыз кылсын;

- ташуу жана орнотуу менен байланышкан чыгымдар министрликтин каражатынын эсебинен төлөнсүн.

3. Бул буйруктун аткарылышын контролдоо Кыргыз Республикасынын Өкмөтүнүн Аппаратынын коргоо, укуктук тартип жана өзгөчө кырдаалдар бөлүмүнө жүктөлсүн.