КЫРГЫЗ РЕСПУБЛИКАСЫНЫН ӨКМӨТҮ

БУЙРУК

2013-жылдын 18-марты № 95-б

Кыргыз Республикасынын Жогорку Кеңешинин 2012-жылдын 27-июнундагы № 2123-V "Мамлекеттештирилген объекттерди натыйжалуу башкаруу жана тескөө боюнча программаны бекитүү тууралуу" Кыргыз Республикасынын Жогорку Кеңешинин 2011-жылдын 8-июлундагы № 941-V токтомуна өзгөртүүлөр жана толуктоолор киргизүү жөнүндө" токтомун аткаруу жана мамлекеттик менчиктин обьекттерин натыйжалуу пайдалануу максатында:

1. Кыргыз Республикасынын Өкмөтүнө караштуу Мамлекеттик мүлктү башкаруу боюнча фонд белгиленген тартипте:

- Кыргыз Республикасынын Өкмөтүнүн Жалал-Абад облусундагы ыйгарым укуктуу өкүлүнүн аппаратынын оперативдүү башкаруусуна жергиликтүү мамлекеттик органдарды кызматтык жайлар менен камсыз кылуу үчүн мамлекеттик менчиктин төмөнкү обьекттерин өткөрүп берсин:

Жалал-Абад облусунун Сузак районундагы Кара-Алма токой чарбасынын "Таш-Башат" жер тилкесинде тургузулган курулуштарды (резиденцияларды) (ИК 3-05-12-0012-0006-01; ИК 3-05-12-0012-0006-02; ИК 3-05-12-0012-0006-03; ИК 3-05-12-0012-0006-04; ИК 3-05-12-0012-0006-05; ИК 3-05-12-0012-0006-06; ИК 3-05-12-0012-0006-07; ИК 3-05-12-0012-0006-08; ИК 3-05-12-0012-0006-09; ИК 3-05-12-0012-0006-10; ИК 3-05-12-0012-0006-11);

Жалал-Абад облусунун Сузак районундагы Кара-Алма токой чарбасынын аянты 170,3 чарчы метр "Сары-Булак" жер тилкесин жана анда тургузулган курулуштарды (ИК 3-05-03-0012-0031-12);

Жалал-Абад шаарындагы "Плодопитомник" участкасынын 2-контурундагы аянты 0,30 га ("Тайгараев" совхозунун 1992-жылдагы № 456 инвентаризациялык материалына жана Жалал-Абад жер экспедициясынын картографиялык материалдарына ылайык) жер тилкесинде жайгашкан турак жайларды жана чарбалык курулуштарды (ИК 3-10-05-0021-2086);

Жалал-Абад шаары, Курманбек көч., 8 дарегинде жайгашкан аянты 33198,0 чарчы метр жер тилкесин жана андагы турак эмес жайларды (ИК 3-10-01-0017-1896);

- Жалал-Абад облустук прокуратурасына - Жалал-Абад шаары, Нефтичилер көч., 3 дарегинде жайгашкан, аянты 19891,4 чарчы метр жер тилкесин жана андагы турак эмес жайларды (ИК 3-10-02-0024-1243).

2. Кыргыз Республикасынын Өкмөтүнүн Жалал-Абад облусундагы ыйгарым укуктуу өкүлүнүн аппараты, Жалал-Абад облустук прокуратурасы:

- ушул буйруктун 1-пунктунда көрсөтүлгөн обьекттерди оперативдүү башкарууга кабыл алышсын;

- ушул буйруктун 1-пунктунда көрсөтүлгөн обьекттер боюнча болуп жаткан сот талаштарына мындан ары катышууну камсыз кылышсын;

- ушул буйруктун 1-пунктунда көрсөтүлгөн обьекттерди күтүү боюнча чыгымдарды тиешелүү жылга карата бекитилген бюджеттин каражаттарынын чегинде каржылашсын;

- жыл сайын ушул буйруктун 1-пунктунда көрсөтүлгөн мамлекеттик менчиктин обьекттерин натыйжалуу пайдалануу боюнча жүргүзүлгөн жөнүндө Кыргыз Республикасынын Өкмөтүнө караштуу Мамлекеттик мүлктү башкаруу боюнча фондго маалымдашсын.

3. Бул буйруктун 1-пунктунун аткарылышын контролдоо Кыргыз Республикасынын Өкмөтүнүн Аппаратынын экономика жана инвестициялар бөлүмүнө, 2-пунктунун аткарылышын контролдоо уюштуруу-инспектордук иштер жана жергиликтүү өз алдынча башкаруу бөлүмүнө жүктөлсүн.