КЫРГЫЗ РЕСПУБЛИКАСЫНЫН ӨКМӨТҮ

БУЙРУК

2013-жылдын 22-апрели № 149-б

"Мамлекеттик сатып алуулар жөнүндө" Кыргыз Республикасынын Мыйзамынын 38-беренесине ылайык:

1. Кыргыз Республикасынын Финансы министрлиги:

- бир жумалык мөөнөттө көз карандысыз "BDO" компаниясы менен "АзияУниверсалБанк" ачык акционердик коому жөнүндө эксперттик корутунду берүү тууралуу сүйлөшүүлөрдү жүргүзсүн жана келишим түзсүн;

- "2013-жылга Кыргыз Республикасынын республикалык бюджети жана 2014-2015-жылдарга болжол жөнүндө" Кыргыз Республикасынын Мыйзамында каралган каражаттардан "Соттун жана башка соттук жол-жоболордун чечимдерин аткаруу" 26630-беренеси боюнча эксперттик корутунду берүү жөнүндө түзүлгөн келишимге ылайык "BDO" компаниясына акы төлөсүн.

2. Кыргыз Республикасынын Улуттук банкына. Банктарды өзгөртүп түзүү жана карыздарды кайра түзүмдөштүрүү боюнча агенттикке (ДЕБРА), Кыргыз Республикасынын Башкы прокуратурасына зарыл маалыматтарды алууда "BDO" компаниясына ар тараптуу көмөк көрсөтүү сунушталсын.

3. Бул буйруктун аткарылышын контролдоо Кыргыз Республикасынын Өкмөтүнүн Аппаратынын укуктук камсыздоо бөлүмүнө, финансы жана кредит саясаты бөлүмүнө жүктөлсүн.