Кыргыз Республикасынын

Министрлер Кабинетинин

2024-жылдын 28-июнундагы № 383-т

тескемесине ылайык

КҮЧҮН ЖОГОТТУ

КЫРГЫЗ РЕСПУБЛИКАСЫНЫН ӨКМӨТҮ

БУЙРУК

2013-жылдын 30-августу № 342-б

(Кыргыз Республикасынын Өкмөтүнүн буйругу 2013-жылдын 30-августундагы № 342-б, 2016-жылдын 19-февралындагы № 66-б, 2016-жылдын 17-июнундагы № 276-б буйруктарынын редакцияларына ылайык)

"Кыргыз Республикасынын Өкмөтү жөнүндө" Кыргыз Республикасынын конституциялык Мыйзамынын 15 жана 17-беренелерине ылайык, Кыргыз Республикасынын Президентинин 2013-жылдын 10-апрелиндеги № 74 Жарлыгы менен бекитилген, 2013-2017-жылдар аралыгында Кыргыз Республикасында элдин биримдигин жана этностор аралык мамилелерди чыңдоо концепциясын ишке ашыруу үчүн биринчи кезектеги иш-чаралар планын аткаруу боюнча министрликтердин, мамлекеттик комитеттин жана администрациялык ведомстволордун макулдашылган иш-аракеттерин жана ишин координациялоону камсыздоо максатында:

1. Ведомстволор аралык комиссия (мындан ары - Комиссия) тиркемеге ылайык курамда түзүлсүн.

2. Комиссия Кыргыз Республикасында элдин биримдигин жана этностор аралык мамилелерди чыңдоо концепциясын ийгиликтүү ишке ашыруу үчүн кызыкдар министрликтерди жана администрациялык ведомстволорду координациялоону жана өз ара тыгыз аракеттенүүсүн камсыз кылсын.

3. Комиссия зарыл учурларда министрликтердин, администрациялык ведомстволордун, башка мамлекеттик органдардын, уюмдардын, мекемелердин адистерин жана көз карандысыз эксперттерди жана консультанттарды ишке тартууга, техникалык колдоо көрсөтүү үчүн донордук уюмдарга кайрылууга укуктуу экендиги белгиленсин.

4. Министрликтердин, администрациялык ведомстволордун жана башка мамлекеттик органдардын жетекчилери белгиленген тартипте Комиссияга көмөк көрсөтүшсүн, ошондой эле Комиссиянын төрагасынын талабы боюнча керектүү документтерди жана маалыматтарды беришсин.

5. Комиссиянын уюштуруучулук жана башка ишин камсыздоо Кыргыз Республикасынын Өкмөтүнө караштуу Жергиликтүү өз алдынча башкаруу иштери жана этностор аралык мамилелер боюнча мамлекеттик агенттигине жүктөлсүн.

6. Бул буйруктунёаткарылышын контролдоо Кыргыз Республикасынын Өкмөтүнүн Аппаратынын билим берүү, маданият жана спорт бөлүмүнө жүктөлсүн.

Тиркеме

Кыргыз Республикасында элдин биримдигин жана этностор аралык мамилелерди чыңдоо концепциясын ишке ашырууга карата биринчи кезектеги иш-чаралар планын аткаруу боюнча мамлекеттик органдардын иштерин координациялоочу ведомстволор аралык комиссиянын КУРАМЫ

 (Кыргыз Республикасынын Өкмөтүнүн буйругу 2013-жылдын 30-августундагы № 342-б, 2016-жылдын 19-февралындагы № 66-б, 2016-жылдын 17-июнундагы № 276-б, 2017-жылдын 16-майындагы № 162-б буйруктарынын редакцияларына ылайык)

Кыргыз Республикасынын коопсуздук, укуктук тартип жана чек ара маселелери боюнча вице-премьер-министри, ведомстволор аралык комиссиянын төрагасы;

Кыргыз Республикасынын Өкмөтүнө караштуу Жергиликтүү өз алдынча башкаруу иштери жана этностор аралык мамилелер боюнча мамлекеттик агенттиктин директору, ведомстволор аралык комиссиянын төрагасынын орун басары.

Комиссиянын мүчөлөрү:

Кыргыз Республикасынын Маданият, маалымат жана туризм министри;

Кыргыз Республикасынын Президентинин Аппаратынын этностук, диний саясат жана жарандык коом менен өз ара аракеттенүү бөлүмүнүн башчысы (макулдашуу боюнча);

Кыргыз Республикасынын Ички иштер министринин биринчи орун басары;

Кыргыз Республикасынын Эмгек жана социалдык өнүктүрүү министринин орун басары;

Кыргыз Республикасынын Билим берүү жана илим министринин орун басары;

Кыргыз Республикасынын Финансы министринин орун басары;

Кыргыз Республикасынын Тышкы иштер министринин орун басары;

Кыргыз Республикасынын Юстиция министринин орун басары;

Кыргыз Республикасынын Экономика министринин орун басары;

Кыргыз Республикасынын Улуттук коопсуздук мамлекеттик комитетинин төрагасынын орун басары;

Кыргыз Республикасынын Өкмөтүнө караштуу Жаштар иштери, дене тарбия жана спорт боюнча мамлекеттик агенттиктин директору;

Кыргыз Республикасынын Өкмөтүнө караштуу Мамлекеттик миграция кызматынын төрагасы;

Кыргыз Республикасынын Мамлекеттик чек ара кызматынын төрагасынын орун басары;

Кыргыз Республикасынын Өкмөтүнө караштуу Жергиликтүү өз алдынча башкаруу иштери жана этностор аралык мамилелер боюнча мамлекеттик агенттиктин директорунун орун басары;

Кыргыз Республикасынын Президентине караштуу Мамлекеттик тил боюнча улуттук комиссиянын төрагасы (макулдашуу боюнча);

Кыргыз Республикасынын Улуттук статистика комитетинин төрагасынын орун басары (макулдашуу боюнча);

Кыргыз Республикасынын Мамлекеттик кадрлар кызматынын директорунун орун басары (макулдашуу боюнча).