КЫРГЫЗ РЕСПУБЛИКАСЫНЫН ПРЕМЬЕР-МИНИСТРИ

БУЙРУК

2009-жылдын 21-февралы № 81

№ 8 түзөтүү колониясында соттолгон И.М.Кочкаровдун өлтүрүлүшүнө алып келген себептерди жана шарттарды текшерүү жана аныктоо үчүн:

1. Төмөнкүдөй курамда комиссия түзүлсүн:

Турдумаматов Н.Т. - Кыргыз Республикасынын Мамлекеттик улуттук коопсуздук комитетинин бөлүм начальниги, комиссиянын төрагасы;

Караталов Б.Ө. - Кыргыз Республикасынын Өкмөтүнүн Аппаратынын коргонуу, укуктук тартип жана өзгөчө кырдаалдар бөлүмүнүн референти;

Абдиев Д.Б. - Кыргыз Республикасынын Ички иштер министрлигинин Кылмыш издөө башкы башкармалыгынын улук оперкызматкери;

Шаменов А.А. - Кыргыз Республикасынын Мамлекеттик улуттук коопсуздук комитетинин улук оперкызматкери;

Айтматов А.С. - Кыргыз Республикасынын Ички иштер министрлигинин Коомдук коопсуздук башкармалыгынын инспектору.

2. Комиссия:

- соттолгон И.М.Кочкаровду өлтүрүү фактысы боюнча Кыргыз Республикасынын Юстиция министрлигинин Жазаларды аткаруу башкы башкармалыгынын ишине он күндүк мөөнөттө комплекстүү текшерүү жүргүзсүн;

- текшерүүнүн жыйынтыгы боюнча белгиленген тартипте Кыргыз Республикасынын Премьер-министрине тиешелүү маалымкат берсин.

3. Бул буйруктун аткарылышын контролдоо Кыргыз Республикасынын Өкмөтүнүн Аппаратынын коргонуу, укуктук тартип жана өзгөчө кырдаалдар бөлүмүнө жүктөлсүн.