КЫРГЫЗ РЕСПУБЛИКАСЫНЫН ӨКМӨТҮНҮН АППАРАТ-ЖЕТЕКЧИСИНИН-МИНИСТРДИН

БУЙРУГУ

2009-жылдын 4-июну № 80

Бишкек шаардык соту Кыргызстандын эл аралык университетинин Кыргыз Республикасынын Өкмөтүнүн үстүнөн доо арызын кароосуна байланыштуу, Кыргыз Республикасынын Өкмөтүнүн 2006-жылдын 4-январындагы № 1 "Кыргыз Республикасынын Өкмөтүнүн Регламентин бекитүү жөнүндө" токтому менен бекитилген Кыргыз Республикасынын Өкмөтүнүн Регламентинин 97-пунктуна таянып:

Кыргыз Республикасынын Юстиция министрлигинин жазык-аткаруу системасын реформалоо башкармасынын начальниги Жаманкулов Марат Тургунбаевичке жана Кыргыз Республикасынын Юстиция министрлигинин контроль-укук башкармасынын башкы адиси Аманалиев Жаныбек Жоомартовичке аталган иш боюнча бардык соттук инстанцияларда Кыргыз Республикасынын Өкмөтүнүн атынан чыгууга ыйгарым укук берилсин жана аларга Кыргыз Республикасынын Өкмөтүнүн атынан ишеним кат берилсин.