КР Премьер-министринин

2012-жылдын 29-декабрындагы № 925 буйругуна ылайык

КҮЧҮН ЖОГОТТУ

КЫРГЫЗ РЕСПУБЛИКАСЫНЫН ПРЕМЬЕР-МИНИСТРИ

БУЙРУК

2012-жылдын 28-майы № 473

Аткаруу бийлигинин түзүмүнө мамлекеттик органдардын, анын ичинде аймактык бөлүктөрдүн ишинин натыйжалуулугу жагынан талдоо жүргүзүү үчүн:

1. Жумушчу топ тиркемеге ылайык курамда түзүлсүн.

2. Жумушчу топ белгиленген тартипте аткаруу бийлигинин мамлекеттик органдарынын адистерин өзүнүн ишине тартууга жана зарыл маалыматты сурап алууга укуктуу экендиги белгиленсин.

3. Жумушчу топ 2012-жылдын 1-августуна чейинки мөөнөттө жүргүзүлгөн талдоонун жыйынтыгы боюнча Кыргыз Республикасынын Өкмөтүнүн 2011-жылдын 11-февралындагы № 41 "Кыргыз Республикасынын мамлекеттик башкаруу системасын оптималдаштыруу боюнча комиссия түзүү жөнүндө" токтому менен түзүлгөн Кыргыз Республикасынын мамлекеттик башкаруу системасын оптималдаштыруу боюнча комиссиянын кароосуна сунуш киргизсин.

Тиркеме

Аткаруу бийлигинин түзүмүнө мамлекеттик органдардын,

анын ичинде аймактык бөлүктөрдүн ишинин натыйжалуулугу

жагынан талдоо жүргүзүү үчүн жумушчу топтун

КУРАМЫ

Кайназаров Руслан Джумабекович - Кыргыз Республикасынын Өкмөтүнүн Аппаратынын Жетекчисинин биринчи орун басары, жумушчу топтун жетекчиси.

Жумушчу топтун мүчөлөрү:

Новиков Артем Эдуардович - Кыргыз Республикасынын Премьер-министринин кеңешчиси;

Шадыбеков Куванычбек Баймуратович - Кыргыз Республикасынын Өкмөтүнүн Аппаратынын мамлекеттик жана муниципалдык башкаруу бөлүмүнүн башчысы;

Ахметова Нурсулу Меирбековна - Кыргыз Республикасынын Президентинин Аппаратынын финансы-экономикалык талдоо жана өнүгүүгө мониторинг жүргүзүү бөлүмүнүн башчысы (макулдашуу боюнча);

Джунушалиев Мелис Турусбекович - Кыргыз Республикасынын стратегиялык изилдөөлөр улуттук институтунун директору;

Мусабеков Алмазбек Обосбекович - Кыргыз Республикасынын Өкмөтүнө караштуу Курулуш жана региондук өнүктүрүү боюнча агенттиктин директорунун орун басары;

Слепченко Наталья Сергеевна - көз карандысыз эксперт.