КЫРГЫЗ РЕСПУБЛИКАСЫНЫН ӨКМӨТҮ

БУЙРУК

2010-жылдын 15-январы № 13-б

Кыргыз Республикасынын көрүнүктүү мамлекеттик жана коомдук ишмери И.Раззаковдун туулган күнүнүн 100 жылдыгына арналган юбилейлик иш-чараларды даярдоо жана өткөрүү максатында:

1. Уюштуруу комитети төмөнкү курамда бекитилсин:

Калимбетова Т.Б. - Кыргыз Республикасынын вице-премьер-министри, уюштуруу комитетинин төрагасы;

Раев С.А. - Кыргыз Республикасынын Өкмөтүнө караштуу Маданият мамлекеттик агенттигинин директору, уюштуруу комитетинин төрагасынын орун басары;

Тагаев А.С. - Баткен облусунун мамлекеттик администрация башчысы - губернатор, уюштуруу комитетинин төрагасынын орун басары.

Уюштуруу комитетинин мүчөлөрү:

Шадиев А.А. - Кыргыз Республикасынын Жогорку Кеңешинин депутаты (макулдашуу боюнча);

Каганер М.В. - Кыргыз Республикасынын Президентинин Секретариатынын жетекчисинин орун басары (макулдашуу боюнча);

Султанов М.А. - Кыргыз Республикасынын финансы министри;

Сулайманов Н.Ч. - Кыргыз Республикасынын транспорт жана коммуникациялар министри;

Мусаев А.И. - Кыргыз Республикасынын билим берүү жана илим министри;

Орозбай кызы Кайыргүл - Кыргыз Республикасынын Улуттук телерадиокорпорациясынын башкы директору (макулдашуу боюнча);

Жоробекова Ш.Ж. - Кыргыз Республикасынын Улуттук илимдер академиясынын президенти;

Арипов Т.Т. - Баткен облусунун Лейлек районунун мамлекеттик администрация башчысы;

Молдокасымов К.С. - "Кыргыз Туусу" басма үйүнүн директору - башкы редактору (макулдашуу боюнча);

Черняк П.Д. - "Слово Кыргызстана" басма үйүнүн директору - башкы редактору (макулдашуу боюнча).

2. Уюштуруу комитети:

- бир айлык мөөнөттө юбилейлик иш-чараларды даярдоо жана өткөрүү планын иштеп чыксын жана бекитсин;

- юбилейлик иш-чараларды өткөрүү күнүн бекитсин.

3. Юбилейлик иш-чараларды өткөрүүгө байланыштуу чыгымдар ишке тартылган мамлекеттик органдардын бекитилген бюджетинин чегинде, гранттардын жана демөөрчүлөрдүн каражаттарынын эсебинен жүргүзүлсүн.

4. Бул буйруктун аткарылышын контролдоо Кыргыз Республикасынын Өкмөтүнө караштуу Маданият мамлекеттик агенттигине жүктөлсүн.