КЫРГЫЗ РЕСПУБЛИКАСЫНЫН ПРЕМЬЕР-МИНИСТРИ

БУЙРУК

2009-жылдын 13-октябры № 304

Ак ниет эмгеги жана региондун социалдык-экономикалык өнүгүүсүнө кошкон орчундуу салымы үчүн, ошондой эле Кыргыз Республикасынын Нарын облусунун түзүлгөн күнүнүн 70 жылдыгына байланыштуу Кыргыз Республикасынын Премьер-министринин атынан баалуу белек (ысмы жазылган саат) менен сыйланышсын:

- Суваналиев Өмүрбек Исакович - Кыргыз Республикасынын Нарын облусунун мамлекеттик администрациясынын башчысы - губернатор;

- Сапарбаев Жоодар Турдакунович - Кыргыз Республикасынын Экономикалык өнүгүү жана соода министрлигинин Түндүк региондук башкармасынын Нарын облустук бөлүмүнүн начальниги;

- Сооронбаев Болотбек - Нарын облусунун Жумгал районундагы Чоң-Дөбө айыл округундагы "Алияскар" фермердик чарбасынын жетекчиси;

- Сүймөнова Айгүл Исмаилбековна - Кыргыз Республикасынын Транспорт жана коммуникациялар министрлигинин алдындагы "Кыргызпочтасы" мамлекеттик ишканасынын Нарын райондук филиалынын кадрлар бөлүмүнүн башчысы;

- Эсеналиев Алтымыш - Кыргыз Республикасынын Айыл, суу чарба жана кайра иштетүү өнөр жай министрлигинин алдындагы Мамлекеттик техникалык инспекциянын Ак-Талаа району боюнча Мамлекеттик техникалык инспекциясынын начальниги.