КЫРГЫЗ РЕСПУБЛИКАСЫНЫН ӨКМӨТҮ

БУЙРУК

2014-жылдын 29-сентябры № 425-б

«Кыргыз Республикасынын Өкмөтү жөнүндө» Кыргыз Республикасынын конституциялык Мыйзамынын 10 жана 17-беренелерине ылайык:

1. Кыргыз Республикасынын Өкмөтүнө караштуу Мамлекеттик мүлктү башкаруу боюнча фонд белгиленген тартипте:

-«Кыргызтамекиси»мамлекеттик акционердик корпорациясы» ачык акционердик коомунун акционерлеринин кезексиз жалпы жыйналышынын кароосуна «Кыргызтамекиси» мамлекеттик акционердик корпорациясы» ачык акционердик коомун жоюу жана жоюу комиссиясын дайындоо жөнүндө маслени киргизсин;

-Кыргыз Республикасынын Өкөтүнүн 1996-жылдын 11-июнундагы №262 «Кыргызтамекиси» мамлекеттик акционердик корпорациясы жөнүндө» токтому менен түзүлгөн «Кыргызтамекиси» мамлекеттик акционердик корпорациясы» ачык акционердик коомунун уставдык капиталына киргизилген акционердик коомдордун акцияларын мамлекеттин менчигине кайтарууну камсыз кылсын.

2. Бул буйруктун аткарылышын контролдоо Кыргыз Республикасынын Өкмөтүнүн Аппаратынын агронөр жай комплекси жана экология бөлүмүнө жүктөлсүн.