КЫРГЫЗ РЕСПУБЛИКАСЫНЫН МИНИСТРЛЕР КАБИНЕТИНИН ТЕСКЕМЕСИ

2023-жылдын 15-ноябры № 694-т

Кыргыз Республикасынын Жер кодексинин 2, 4, 20, 25-статьяларына, "Өзгөчө корголуучу жаратылыш аймактары жөнүндө" Кыргыз Республикасынын Мыйзамынын 5, 6-беренелерине, "Кыргыз Республикасынын Министрлер Кабинети жөнүндө" Кыргыз Республикасынын конституциялык Мыйзамынын 13, 17-беренелерине ылайык:

1. Кыргыз Республикасынын Министрлер Кабинетине караштуу Мамлекеттик мүлктү башкаруу боюнча мамлекеттик агенттик Ысык-Көл облусу, Ысык-Көл району, Чоң-Сары-Ой айыл округу дареги боюнча Кыргыз Республикасынын Билим берүү жана илим министрлигинин "Санат" ден соолукту чыңдоо борбору" мамлекеттик мекемесинин түштүк-чыгыш тарабында жайгашкан жалпы аянты 3,19 га жер участогун мамлекеттик менчикке кабыл алсын.

2. Кыргыз Республикасынын Айыл чарба министрлигине караштуу Жер ресурстары кызматы белгиленген тартипте ушул тескеменин 1-пунктунда көрсөтүлгөн жер участогуна мамлекеттик менчик укуктарын каттоону жүзөгө ашырсын.

3. Бул тескеменин аткарылышын контролдоо Кыргыз Республикасынын Президентинин Администрациясынын Президенттин жана Министрлер Кабинетинин чечимдерин аткарууну контролдоо башкармалыгына жүктөлсүн.