КЫРГЫЗ РЕСПУБЛИКАСЫНЫН ӨКМӨТҮ

БУЙРУК

2014-жылдын 22-декабры № 596-б

Чүй облусундагы Чүй суусунун сол жээгин коргоо жана Баткен, Ош облустарындагы объектилер боюнча кечиктирилгис авариялык-калыбына келтирүү жана биринчи кезектеги жумуштарды жүргүзүү максатында, "Кыргыз Республикасынын Өкмөтү жөнүндө" Кыргыз Республикасынын конституциялык Мыйзамынын 10 жана 17-беренелерине ылайык:

1. Кыргыз Республикасынын Финансы министрлиги Өзгөчө кырдаалдардын алдын алуу жана кесепеттерин жоюу боюнча атайын эсептен Кыргыз Республикасынын Өзгөчө кырдаалдар министрлигине 33 000000 (отуз үч миллион) сом бөлүп берсин, анын ичинде:

1) 24000000 (жыйырма төрт миллион) сом Чүй суусунун сол жээгиндеги мурда башталган объектгерди каржылоо үчүн кошумча;

- 9100000 (тогуз миллион жүз миң) сом Чүй облусунун Кемин районундагы Hyp айылын коргоо боюнча Чуй суусуна суу жээктерин бекемдөө иш-чараларын жүргүзүү үчүн;

- 13304000 (он үч миллион үч жүз төрт миң) сом Чүй облусунун Чүй районундагы Красный строитель поселкасын коргоо боюнча Чүй суусуна суу жээктерин бекемдөө иш-чараларын жүргүзүү үчүн;

- 446000 (төрт жүз кырк алты миң) сом Чүй облусунун Аламүдүн районундагы Кыргыз Республикасынын Өкмөтүнө караштуу Жазаларды аткаруу мамлекеттик кызматынын № 26 мекемесинин ичүүчү суу алгычын, насостук станциясын жана суу басымдуу мунарасын коргоо боюнча Чүй суусуна суу жээктерин бекемдөө иш-чараларын жүргүзүү үчүн;

- 1150000 (бир миллион жүз элүү миң) сом Чүй облусунун Аламүдун районундагы Ак-Жол бажыканасынын районундагы агын сууларды топтогучту коргоо боюнча Чүй суусуна суу жээктерин бекемдөө иш-чараларын жүргүзүү үчүн;

2) 9000000 (тогуз миллион) сом Баткен жана Ош облустарындагы объекттерди каржылоо үчүн:

- 3000000 (үч миллион) сом Ош облусунун Алай районундагы Гүлчө айыл аймагынын Гулчө айылындагы Наабайкана районунда жана турак жай кварталында Гүлчө суусундагы узундугу 100 м коргоочу дамбаны оңдоо - калыбына келтирүү жумуштарын аткаруу үчүн;

- 6000000 (алты миллион) сом Баткен облусунун Баткен районунун Төрт-Күл айыл аймагындагы Зарташ айылынын Зарташ участогундагы Сох суусуна коргоочу дамбаны куруу үчүн.

2. Ушул буйруктун аткарылышын контролдоо Кыргыз Республикасынын Өкмөтүнүн Аппаратынын коргоо, укуктук тартип жана өзгөчө кырдаалдар бөлүмүнө жүктөлсүн.