Кыргыз Республикасынын

Министрлер Кабинетинин

2024-жылдын 28-июнундагы № 383-т

тескемесине ылайык

КҮЧҮН ЖОГОТТУ

КЫРГЫЗ РЕСПУБЛИКАСЫНЫН ѲКМѲТY

ТОКТОМ

2015-жылдын 12-майы № 202-б

Ѳлкөнүн калкын коопсуз тамак-аш продукциясы менен камсыз кылуу, эпидемиологиялык жагдайды жакшыртуу, малдан алынуучу продукцияларды өндүруү жана сатуу процесстерин ветеринардык жаиа санитардык-эпидемиологиялык талаптарга шайкеш келтирүү, мал аркылуу жугуучу ооруулардын эпидемиологиялык тобокелдигин тѳмѳндѳтүү максатында, «Кыргыз Республикасынын Өкмөтү жѳнундө» Кыргыз Республикасынын конституциялык Мыйзамынын 10 жала 17-беренелерине ылайык:

1. Кыргыз Республикасынын Өкмөтγнө караштуу Ветеринардык жана фитосанитардык коопсуздук боюнча мамлекеттик инспекция:

- республикалык ветеринардык диагностикалоо борборунун сыноо лабораторияларын, ветеринардык-санитардык экспертиза лабораторияларын, анын ичинде рыноктордо жана стационардык мал союучу цехтерде жана пункттарда жайгашкан лабораторияларын Кыргыз Республикасынын мыйзамдарында белгиленген ветеринардык- санитардык талаптарга малдан алынуучу продукциялардын шайкештигин тестирлөөнү камсыз кылуучу зарыл болгон лабораториялык жабдуулар, приборлор жана тесттер менен жабдуу боюнча чараларды көрсүн;

- республиканын калкына таандык малда жана бакма канаттууларынын ар кандай түрлөрүн пландуу вакцинациялоо боюнча иш-чаралар планын иштеп чыксын.

2. Кыргыз Республикасынын Өкмѳтγнѳ караштуу Ветеринардык жана фитосанитардык коопсуздук боюнча мамлекеттик инспекция Кыргыз Республикасынын Саламаттык сактоо министрлигинин Оорулардын алдын алуу жана мамлекеттик санитардык-эпидемиологиялык көзөмөл департаменти, жергиликтүү мамлекеттик администрациялар, жергиликтүү өз алдынча башкаруу органдары менен бирдикте 2015-жылдын 1-июнуна чейинки мѳѳнѳттѳ:

- мал союучу цехтердин, пункттардын жана аянтчалардын ветеринардык жана санитардык талаптарга шайкештигине инвентаризациялоону жүргүзсүн;

- иштеп жаткан мал союучу цехтерди, пункттарды жана аянтчаларды санитардык-ветеринардык талаптарга шайкеш келтирγγ жана тартипке салуу боюнча чараларды көрсүн.

3. Кыргыз Республикасынын Ѳкмѳтүнө караштуу Ветеринардык жана фитосанитардык коопсуздук боюнча мамлекеттик инспекция Кыргыз Республикасынын Саламаттык сактоо министрлигинин Оорулардын алдын алуу жана мамлекеттик санитардык-эпидемиологиялык кезөмөл департаменти менен бирдикте:

- республиканын аймагында санитардык-ветеринардык талаптардын жана техникалык регламенттердин талаптарынын аткарылышын контролдоону күчөтсүн;

- атайын жерлерден тышкары малды союуга жана мал союунун продуктуларын сатууга тыюу салуу боюнча биргелешкен чараларды көрсүн;

- республиканын ички рыногунда пайдаланууга чыгарылган малдан алынган тамак-аш продуктуларынын продукциянын коопсуздук параметрлерине шайкештигине бардык жерлерде ветеринардык-санитардык контролду камсыз кылсын.

4. Ушул буйруктун аткарылышын контролдоо Кыргыз Республикасынын Өкмөтүнүн Аппаратынын агроөнөр жай комплекси жана экология бөлүмүнѳ жүктөлсүн.