КЫРГЫЗ РЕСПУБЛИКАСЫНЫН ӨКМӨТҮ

БУЙРУК

2015-жылдын 10-июлу № 323-б

Кыргыз Республикасын өнүктүрүүнүн узак мөөнөттүү артыкчылыктарын аныктоо максатында, "Кыргыз Республикасынын Өкмөтү жөнүндө" Кыргыз Республикасынын конституциялык Мыйзамынын 10 жана 17-беренелерине ылайык:

1. 2030-жылга чейин Кыргыз Республикасын туруктуу өнүктүрүү концепциясынын долбоорун жана 2018-2023-жылдардын мезгилине Кыргыз Республикасын туруктуу өнүктүрүү стратегиясынын долбоорун (мындан ары - Өнүктүрүү концепциясынын долбоору жана өнүктүрүү стратегиясынын долбоору) иштеп чыгуу боюнча ведомстволор аралык жумушчу топ тиркемеге ылайык курамда түзүлсүн.

2. Ведомстволор аралык жумушчу топ:

Кыргыз Республикасынын Экономика министрлигинин координациялоосу менен 2015-жылдын 20-декабрына чейин:

- 2030-жылга чейин Кыргыз Республикасын туруктуу өнүктүрүүнүн узак мөөнөттүү концептуалдык көрө билүүсүн жарандык сектордун бардык кызыкдар болгон тараптары менен кеңири талкуулоо боюнча коммуникациялык иш-чаралар графигин иштеп чыксын;

- эл аралык жана улуттук эксперттерди тартуу менен Өнүктүрүү концепциясынын долбоорун жана Өнүктүрүү стратегиясынын долбоорун иштеп чыгуучулардын төмөнкү багыттар боюнча тематикалык топторун түзсүн: мамлекеттик башкаруу, экономика, социалдык өнүктүрүү, экология;

- Өнүктүрүү концепциясынын долбоорун жана Өнүктүрүү стратегиясынын долбоорун иштеп чыгууда Кыргыз Республикасынын Евразия экономикалык союзуна кирүүсүн жана Туруктуу өнүктүрүү максаттарын эсепке алсын;

- 2016-жылдын 20-июнуна чейин Өнүктүрүү концепциясынын долбоорун иштеп чыксын жана Кыргыз Республикасынын Экономика министрлигине берсин;

- 2017-жылдын 10-мартына чейин Стратегиянын долбоорун иштеп чыксын жана Кыргыз Республикасынын Экономика министрлигине берсин.

3. Кыргыз Республикасынын Экономика министрлиги:

- Өнүктүрүү концепциясынын долбоорун жана Өнүктүрүү стратегиясынын долбоорун иштеп чыгуу боюнча ведомстволор аралык жумушчу топтун ишин уюштурууну жана координациялоону камсыз кылсын;

- Өнүктүрүү концепциясынын долбоорун жана Өнүктүрүү стратегиясынын долбоорун иштеп чыгуу графигин, тузумдун долбоорун жана тиркемелердин форматтарын, ошондой эле Өнүктүрүү концепциясынын долбоорунун жана Өнүктүрүү стратегиясынын долбоорунун бөлүмдөрүн даярдоого стандарттуу талаптарды даярдасын;

- мамлекеттик органдарды жана жергиликтүү өз алдынча башкаруу органдарын, илимий чөйрөнү, бизнес-коомдоштуктарды, жарандык секторду жана донордук коомдоштукту кошкондо, бардык кызыкдар тараптардын катышуусу менен Өнүктүрүү концепциясынын долбоорун жана Өнүктүрүү стратегиясынын долбоорун иштеп чыгуу процессинин айкындуулугун камсыз кылсын;

- жергиликтүү коомдоштуктарды кошкондо региондордун деңгээлинде өлкөнү узак мөөнөттүү туруктуу өнүктүрүү маселелери боюнча улуттук консультацияларды өткөрүүнү камсыз кылсын;

- эл аралык донордук уюмдардын колдоосу менен Өнүктүрүү концепциясынын долбоорун жана Өнүктүрүү стратегиясынын долбоорун иштеп чыгууга көз каранды эмес улуттук эксперттерди тартсын;

- 2016-жылдын 20-июлуна чейин Өнүктүрүү концепциясынын долбоорун коомдук талкуулоону уюштурсун;

- 2017-жылдын 10-апрелине Стратегиянын долбоорун коомдук талкуулоону уюштурсун;

- 2016-жылдын 10-сентябрына чейин Өнүктүрүү концепциясынын долбоорун иштеп чыксын жана белгиленген тартипте Кыргыз Республикасынын Өкмөтүнүн кароосуна киргизсин;

- 2017-жылдын 30-июнуна чейин Өнүктүрүү стратегиясынын долбоорун жеткире иштеп чыксын жана Кыргыз Республикасынын Өкмөтүнүн кароосуна киргизсин квартал сайын, отчеттук мезгилден кийинки айдын 15инен кечиктирбей ушул буйруктун аткарылышынын жүрүшү жөнүндө маалыматты Кыргыз Республикасынын Өкмөтүнүн Аппаратына берип турсун.

4. Министрликтердин, мамлекеттик комитеттин, административдик ведомстволордун жетекчилери, Кыргыз Республикасынын Өкмөтүнүн облустардагы ыйгарым укуктуу өкүлдөрү ведомстволор аралык жумушчу топтун суроо-талаптары боюнча керектүү маалыматтарды берип турушсун, ведомстволор аралык жумушчу топтун жана тематикалык топтордун ишине көмөк көрсөтүшсүн.

5. Өнүктүрүү концепциясынын долбоорун жана Өнүктүрүү стратегиясынын долбоорун түзүү үчүн материалдарды даярдоонун сапатына жеке жоопкерчилик министрликтердин, мамлекеттик комитеттин, административдик ведомстволордун жетекчилерине, Кыргыз Республикасынын Өкмөтүнүн облустардагы ыйгарым укуктуу өкүлдөрүнө жүктөлсүн.

6. Кыргыз Республикасынын Өкмөтүнүн 2014-жылдын 19-мартындагы № 94-б буйругу күчүн жоготту деп таанылсын.

7. Ушул буйруктун аткарылышын контролдоо Кыргыз Республикасынын Өкмөтүнүн Аппаратынын экономика жана инвестициялар бөлүмүнө жүктөлсүн.

Тиркеме

2030-жылга чейин Кыргыз Республикасын туруктуу өнүктүрүү концепциясынын долбоорун жана 2018-2023-жылдардын мезгилине Кыргыз Республикасын туруктуу өнүктүрүү стратегиясынын долбоорун иштеп чыгуу боюнча ведомстволор аралык жумушчу топтун КУРАМЫ

Кыргыз Республикасынын вице-премьер-министри, ведомстволор аралык жумушчу топтун төрагасы;

Кыргыз Республикасынын Экономика министри, ведомстволор аралык жумушчу топтун жетекчисинин орун басары.

Ведомстволор аралык жумушчу топтун мүчөлөрү:

Кыргыз Республикасынын Экономика министрлигинин статс-катчысы;

Кыргыз Республикасынын Билим берүү жана илим министрлигинин статс-катчысы;

Кыргыз Республикасынын Транспорт жана коммуникациялар министрлигинин статс-катчысы;

Кыргыз Республикасынын Саламаттык сактоо министрлигинин статс-катчысы;

Кыргыз Республикасынын Юстиция министрлигинин статс-катчысы;

Кыргыз Республикасынын Өзгөчө кырдаалдар министрлигинин статс-катчысы;

Кыргыз Республикасынын Ички иштер министринин биринчи орун басары;

Кыргыз Республикасынын Айыл чарба жана мелиорация министринин орун басары;

Кыргыз Республикасынын Энергетика жана өнөр жай министринин орун басары;

Кыргыз Республикасынын Социалдык өнүгүү министринин орун басары;

Кыргыз Республикасынын Коргоо министринин орун басары;

Кыргыз Республикасынын Эмгек, миграция жана жаштар министринин орун басары;

Кыргыз Республикасынын Маданият, маалымат жана туризм министринин орун басары;

Кыргыз Республикасынын Финансы министринин орун басары;

Кыргыз Республикасынын Тышкы иштер министринин орун басары;

Кыргыз Республикасынын Улуттук статистика комитетинин төрагасынын биринчи орун басары (макулдашуу боюнча);

Кыргыз Республикасынын Өкмөтүнө караштуу Мамлекеттик бажы кызматынын төрагасынын биринчи орун басары;

Кыргыз Республикасынын Өкмөтүнө караштуу Мамлекеттик салык кызматынын төрагасынын орун басары;

Кыргыз Республикасынын Социалдык фондунун төрагасынын биринчи орун басары;

Кыргыз Республикасынын Улуттук банкынын төрагасынын орун басары (макулдашуу боюнча);

Кыргыз Республикасынын Мамлекеттик кадр кызматынын директорунун орун басары (макулдашуу боюнча);

Кыргыз Республикасынын Өкмөтүнө караштуу Финансы рыногун жөнгө салуу жана көзөмөлдөө мамлекеттик кызматынын төрагасынын орун басары;

Кыргыз Республикасынын Өкмөтүнө караштуу Мамлекеттик каттоо кызматынын төрагасынын орун басары;

Кыргыз Республикасынын Өкмөтүнө караштуу Интеллектуалдык менчик жана инновациялар мамлекеттик кызматынын төрагасынын орун басары;

Кыргыз Республикасынын Өкмөтүнө караштуу Экономикалык кылмыштуулукка каршы күрөшүү боюнча мамлекеттик кызматынын төрагасынын орун басары;

Кыргыз Республикасынын Өкмөтүнө караштуу Баңгизаттарды контролдоо боюнча мамлекеттик кызматынын төрагасынын орун басары;

Кыргыз Республикасынын Өкмөтүнө караштуу Архитектура, курулуш жана турак жай-коммуналдык чарба мамлекеттик агенттигинин директорунун орун басары;

Кыргыз Республикасынын Өкмөтүнө караштуу Мамлекеттик байланыш агенттигинин директорунун орун басары;

Кыргыз Республикасынын Өкмөтүнө караштуу Геология жана минералдык ресурстар боюнча мамлекеттик агенттиктин директорунун орун басары;

Кыргыз Республикасынын Өкмөтүнө караштуу Курчап турган чөйрөнү коргоо жана токой чарбасы мамлекеттик агенттигинин директорунун орун басары;

Кыргыз Республикасынын Өкмөтүнө караштуу Дене тарбия жана спорт мамлекеттик агенттигинин директорунун орун басары;

Кыргыз Республикасынын Өкмөтүнө караштуу Монополияга каршы жөнгө салуу мамлекеттик агенттигинин директорунун орун басары;

Кыргыз Республикасынын Өкмөтүнө караштуу Жергиликтүү өз алдынча башкаруу иштери жана этностор аралык мамилелер боюнча мамлекеттик агенттигинин директорунун орун басары;

Кыргыз Республикасынын Өкмөтүнө караштуу Мамлекеттик материалдык резервдер фондусунун төрагасынын орун басары;

Кыргыз Республикасынын Өкмөтүнө караштуу Мамлекеттик мүлктү башкаруу боюнча фонддун төрагасынын орун басары;

Кыргыз Республикасынын Өкмөтүнө караштуу Ветеринардык жана фитосанитардык коопсуздук боюнча мамлекеттик инспекциясынын директорунун орун басары;

Кыргыз Республикасынын Өкмөтүнө караштуу Экологиялык жана техникалык коопсуздук боюнча мамлекеттик инспекциясынын директорунун орун басары;

Кыргыз Республикасынын Өкмөтүнүн Кыргыз Республикасынын Жалал-Абад облусундагы ыйгарым укуктуу өкүлүнүн биринчи орун басары;

Кыргыз Республикасынын Өкмөтүнүн Кыргыз Республикасынын Ысык-Көл облусундагы ыйгарым укуктуу өкүлүнүн орун басары;

Кыргыз Республикасынын Өкмөтүнүн Кыргыз Республикасынын Талас облусундагы ыйгарым укуктуу өкүлүнүн биринчи орун басары;

Кыргыз Республикасынын Өкмөтүнүн Кыргыз Республикасынын Баткен облусундагы ыйгарым укуктуу өкүлүнүн орун басары;

Кыргыз Республикасынын Өкмөтүнүн Кыргыз Республикасынын Нарын облусундагы ыйгарым укуктуу өкүлүнүн орун басары;

Кыргыз Республикасынын Өкмөтүнүн Кыргыз Республикасынын Ош облусундагы ыйгарым укуктуу өкүлүнүн орун басары;

Кыргыз Республикасынын Өкмөтүнүн Кыргыз Республикасынын Чүй облусундагы ыйгарым укуктуу өкүлүнүн орун басары;

Бишкек шаарынын биринчи вице-мэри (макулдашуу боюнча);

Ош шаарынын биринчи вице-мэри (макулдашуу боюнча);

Кыргыз Республикасынын Стратегиялык изилдөөлөр улуттук институтунун директорунун орун басары;

Кыргыз Республикасынын Президентине караштуу Мамлекеттик башкаруу академиясынын проректору (макулдашуу боюнча);

Кыргыз Республикасынын Улуттук илимдер академиясынын вице-президенти;

Кыргыз Республикасынын Соода-өнөр жай палатасынын биринчи вице-президенти (макулдашуу боюнча);

Кыргыз тоо-кен ассоциациясынын аткаруучу директору (макулдашуу боюнча);

Кыргыз Республикасынын "Легпром" жеңил өнөр жай ишканалар ассоциациясынын директору (макулдашуу боюнча);

Кыргызстандын ишкерлер союзунун аткаруучу директору (макулдашуу боюнча);

Кыргызстандын "Жер Азыгы" агробизнесмендер ассоциациясынын аткаруучу директору (макулдашуу боюнча).