КЫРГЫЗ РЕСПУБЛИКАСЫНЫН ӨКМӨТҮ

БУЙРУК

2015-жылдын 13 июлу, № 329-б

Нарын облусунун Жумгал районунун Миң-Куш поселогунун калкына акысыз гуманитардык жардам көрсөтүү максатында, "Мамлекеттик материалдык резервдер жөнүндө" Кыргыз Республикасынын Мыйзамына ылайык:

1. Кыргыз Республикасынын Өкмөтүнө караштуу Мамлекеттик материалдык резервдер фонду:

- Кыргыз Республикасынын Өкмөтүнүн Нарын облусундагы ыйгарым укуктуу өкүлүнө Жумгал районунун Мин-Куш поселогунун тургундары үчүн 150 тонна жогорку сорттогу унду өткөрүп берсин;

- он эки айдын ичинде фонддун бюджеттик каражаттарынын эсебинен жогорку сорттогу 150 тонна унду мамлекеттик материалдык резервге койсун.

2. Кыргыз Республикасынын Өзгөчө кырдаалдар министрлиги Нарын облусунун Жумгал районунун Миң-Куш поселогуна унду жеткирүүнү уюштурсун.

3. Кыргыз Республикасынын Өкмөтүнүн Нарын облусундагы ыйгарым укуктуу өкүлүнүн аппараты Миң-Куш поселогунун тургундарына унду акысыз негизде даректүү бөлүштүрүүнү камсыз кылсын.

4. Ушул буйруктун аткарылышын контролдоо Кыргыз Республикасынын Өкмөтүнүн Аппаратынын агроөнөр-жай комплекси жана экология бөлүмүнө жүктөлсүн.