КЫРГЫЗ РЕСПУБЛИКАСЫНЫН ӨКМӨТҮ

БУЙРУК

2015-жылдын 11-июну № 252-б

Чүй облусунун Жайыл районундагы Кызыл-Дыйкан айылынын, Москва районундагы Кепер-Арык, Мураке, Ак-Торпок жана Чон-Арык айылдарынын калкын ичүүчү суу менен камсыздоо жана суу алгыч курулма куруу максатында, Кыргыз Республикасынын Жер кодексинин 32-беренесинин 4-пунктуна ылайык:

1. Кыргыз Республикасынын Айыл чарба жана мелиорация министрлигинин Суу чарба жана мелиорация департаменти белгиленген тартипте:

- Чуй облусунун Жайыл районундагы «Миң-Токум» өрөөнүнүн №137 контурунда жайгашкан 7249,75 кв.м. аянттагы жер участогун өз алдынча бирдикке бөлсүн;

- Чуй облусунун Жайыл районундагы Кызыл-Дыйкан айыл өкмөтүнө 49 жыл мөөнөткө ушул пункттун экинчи абзацында аталган жер участогун ичүүчү суу менен камсыздоонун суу алгыч курулмасын куруу үчүн мөөнөттүү (убактылуу) пайдаланууга берсин;

- Кыргыз Республикасынын мыйзамдарына ылайык Чүй облусунун Жайыл районундагы Кызыл-Дыйкан айыл өкмөтү менен ушул пункттун экинчи абзацында аталган жер участогун ижарага берүү жана убактылуу пайдалануу келишимин түзсүн.

2. Кыргыз Республикасынын Өкмөтүнө караштуу Мамлекеттик каттоо кызматы белгиленген тартипте ушул буйруктун 1-пунктунун экинчи абзацында аталган жер участогуна укукту андан ары каттоо менен укук ырастоочу документ берсин.

3. Ушул буйруктун аткарылышын контролдоо Кыргыз Республикасынын Өкмөтүнүн Аппаратынын курулуш, транспорт жана коммуникациялар бөлүмүнө жүктөлсүн.