КЫРГЫЗ РЕСПУБЛИКАСЫНЫН ӨКМӨТҮ

БУЙРУК

2016-жылдын 1-марты № 77-б

Бийликтин аткаруу бутагынын системасындагы түзүмдүк жана функционалдык өзгөртүүлөргө байланыштуу, Кыргыз Республикасынын Жогорку Кеңешинин 2015-жылдын 5-ноябрындагы № 11-VI "Кыргыз Республикасынын Өкмөтүнүн түзүмү жөнүндө" токтомуна, "Кыргыз Республикасынын Өкмөтү жөнүндө" Кыргыз Республикасынын конституциялык Мыйзамынын 10 жана 17-беренелерине ылайык:

Кыргыз Республикасынын Өкмөтүнүн 2000-жылдын 30-мартындагы № 110-б буйругуна төмөнкүдөй өзгөртүүлөр жана толуктоолор киргизилсин:

- жогоруда аталган буйрук менен бекитилген Чек ара маселелери боюнча Өкмөттүк комиссия жөнүндө жободо:

5-пунктунда:

- биринчи абзац төмөнкүдөй редакцияда баяндалсын:

"Кыргыз Республикасынын биринчи вице-премьер-министри, Комиссиянын төрагасы;";

- үчүнчү абзац төмөнкүдөй редакцияда баяндалсын:

"Кыргыз Республикасынын Өкмөтүнүн Аппарат жетекчисинин биринчи орун басары рангындагы Кыргыз Республикасынын Өкмөтүнүн чек ара маселелери боюнча атайын өкүлү, Комиссиянын төрагасынын орун басары;";

- төртүнчү, сегизинчи жана он экинчи абзацтар күчүн жоготту деп таанылсын;

- төмөнкүдөй мазмундагы он төртүнчү абзац менен толукталсын:

"Кыргыз Республикасынын Мамлекеттик коргоо иштери боюнча комитетинин төрагасы;";

- төмөнкүдөй мазмундагы он жетинчи абзац менен толукталсын;

"Кыргыз Республикасынын Өкмөтүнө караштуу Мамлекеттик миграция кызматынын төрагасы;";

7-пунктундагы "чек араларды делимитациялоо маселелери боюнча" деген сөздөр "чек ара маселелери боюнча" деген сөздөр менен алмаштырылсын.