КҮЧҮН ЖОГОТТУ

КЫРГЫЗ РЕСПУБЛИКАСЫНЫН ПРЕМЬЕР-МИНИСТРИ

БУЙРУК

2017-жылдын 30-ноябры № 837

Жол-транспорт кыймылынын интеллектуалдык маалыматтык системасын өнүктүрүү жана ишке ашыруу максатында, Кыргыз Республикасынын Жогорку Кеңешинин 2017-жылдын 25-августундагы № 1836-VI токтому менен бекитилген Кыргыз Республикасынын Өкмөтүнүн "Жаңы доорго кырк кадам" программасынын алкагында, "Кыргыз Республикасынын Өкмөтү жөнүндө" Кыргыз Республикасынын конституциялык Мыйзамынын 18-беренесине ылайык;

1. "Huawei Technologies Co., Ltd" компаниясы жана башка инвесторлор менен инвестициялык кызматташтык шарттарын талкуулоо боюнча жумушчу топ (мындан ары - жумушчу топ) тиркемеге ылайык курамда түзүлсүн.

2. Жумушчу топ бир жумалык мөөнөттө инвестициялык кызматташтык шарттарын кароонун жыйынтыктары боюнча Кыргыз Республикасынын Өкмөтүнө тийиштүү сунуш киргизсин.

3. Жумушчу топтун ишин уюштуруучулук жана башка камсыздоо Кыргыз Республикасынын Инвестицияларды илгерилетүү жана коргоо боюнча агенттигине жүктөлсүн.

4. Жумушчу топко зарыл болгон учурда мамлекеттик органдардын, жергиликтүү өз алдынча башкаруу органдарынын, илимий-изилдөө жана уюмдарынын адистерин белгиленген тартипте ишке тартууга укук берилсин.

5. Ушул буйруктун аткарылышын контролдоо Кыргыз Республикасынын Өкмөтүнүн Аппаратынын курулуш, транспорт жана коммуникациялар бөлүмүнө жүктөлсүн.

Тиркеме

"Huawei Technologies Co., Ltd" компаниясы жана башка инвесторлор менен инвестициялык кызматташтык шарттарын талкуулоо боюнча жумушчу топтун КУРАМЫ

Кыргыз Республикасынын Инвестицияларды илгерилетүү жана коргоо боюнча агенттигинин директору, жумушчу топтун жетекчиси;

Кыргыз Республикасынын Маалыматтык технологиялар жана байланыш мамлекеттик комитетинин төрагасынын орун басары, жумушчу топтун жетекчисинин орун басары;

Кыргыз Республикасынын Өкмөтүнүн Аппаратынын курулуш, транспорт жана коммуникациялар бөлүмүнүн башчысы;

Кыргыз Республикасынын Өкмөтүнүн Аппаратынын коргоо, укуктук тартип жана өзгөчө кырдаалдар бөлүмүнүн башчысы;

Кыргыз Республикасынын Юстиция министринин орун басары;

Кыргыз Республикасынын Ички иштер министринин орун басары;

Кыргыз Республикасынын Финансы министринин орун басары, Борбордук казыналыктын директору;

Кыргыз Республикасынын Транспорт жана жол министринин орун басары;

Кыргыз Республикасынын Саламаттык сактоо министринин орун басары;

Кыргыз Республикасынын Өзгөчө кырдаалдар министринин орун басары;

Кыргыз Республикасынын Өкмөтүнө караштуу Мамлекеттик каттоо кызматынын төрагасынын орун басары;

Кыргыз Республикасынын Өкмөтүнө караштуу Мамлекеттик салык кызматынын төрагасынын орун басары;

Кыргыз Республикасынын Өкмөтүнө караштуу Мамлекеттик бажы кызматынын төрагасынын орун басары;

Кыргыз Республикасынын Өкмөтүнө караштуу Мамлекеттик мүлктү башкаруу боюнча фонддун төрагасынын орун басары;

Бишкек шаарынын вице-мэри (макулдашуу боюнча);

Ош шаарынын вице-мэри (макулдашуу боюнча);

"Кыргызтелеком" ачык акционердик коомунун Директорлор кеңешинин мүчөсү (макулдашуу боюнча);

Кыргыз Республикасынын Ички иштер министрлигинин Жол кыймылынын коопсуздугун камсыздоо боюнча башкы башкармалыгынын начальниги;

Кыргыз Республикасынын Экономика министрлигинин алдындагы Стандартташтыруу жана метрология боюнча борбордун директору.