КР Министрлер Кабинетинин 2025-жылдын 25-апрелиндеги № 238 токтомуна ылайык КҮЧҮН ЖОГОТТУ

КЫРГЫЗ РЕСПУБЛИКАСЫНЫН ӨКМӨТҮ

БУЙРУК

2017-жылдын 25-сентябры № 421-б

Республиканын айылдык товар өндүрүүчүлөрүнө мамлекеттик колдоо көрсөтүүнүн алкагында берилген мамлекеттик зайымдык каражаттарды кайтарууну камсыз кылуу максатында, "Кыргыз Республикасынын Өкмөтү жөнүндө" Кыргыз Республикасынын конституциялык Мыйзамынын 10 жана 17-беренелерине ылайык:

Кыргыз Республикасынын Өкмөтүнүн 2016-жылдын 4-августундагы № 355-б буйругуна төмөнкүдөй өзгөртүүлөр киргизилсин:

- 2-пунктундагы "Кыргыз Республикасынын Финансы министрлигине караштуу Экономиканы өнүктүрүүнүн мамлекеттик фонду" деген сөздөр "Кыргыз Республикасынын Финансы министрлигинин алдындагы Бюджеттик кредиттерди башкаруу боюнча мамлекеттик агенттик" деген сөздөр менен алмаштырылсын;

- 3-пунктундагы "2016-жылдын" деген сөз "2017-жылдын" деген сөз менен алмаштырылсын;

- 4-пунктунун экинчи абзацы "1 жыл" деген сөздөн кийин "6 ай" деген сөз менен толукталсын;

жогоруда аталган буйрук менен бекитилген Мамлекеттик зайымдык каражаттар боюнча айылдык товар өндүрүүчүлөрдүн карыздарын кайтаруунун убактылуу тартибинде:

- 1-пунктундагы "Кыргыз Республикасынын Финансы министрлигине караштуу Экономиканы өнүктүрүүнүн мамлекеттик фонду (мындан ары - Фонд)" деген сөздөр "Кыргыз Республикасынын Финансы министрлигинин алдындагы Бюджеттик кредиттерди башкаруу боюнча мамлекеттик агенттик (мындан ары - Агенттик)" деген сөздөр менен алмаштырылсын;

- бүткүл тексти боюнча түрдүү жөндөмөдөгү "Фонд" деген сөз тиешелүү жөндөмөдө "Агенттик" деген сөз менен алмаштырылсын.