КЫРГЫЗ РЕСПУБЛИКАСЫНЫН ӨКМӨТҮ

БУЙРУК

2018-жылдын 22-январы, № 20-б

Ж.Баласагын атындагы Кыргыз улуттук университетинин материалдык-техникалык базасын чыңдоо максатында, "Кыргыз Республикасында бажылык жөнгө салуу жөнүндө" Кыргыз Республикасынын Мыйзамына, "Кыргыз Республикасынын Өкмөтү жөнүндө" Кыргыз Республикасынын конституциялык Мыйзамынын 10 жана 17-беренелерине ылайык:

1. Кыргыз Республикасынын Өкмөтүнө караштуу Мамлекеттик бажы кызматы Кыргыз Республикасындагы Япония эл аралык кызматташтык агенттигинин (ЛСА) арызынын негизинде 2004-жылы чыгарылган, кыймылдаткычынын № 1FZ0608219, кузову JTGHJ09J847004423, алтын түстөгү "Тойота-Лэндкрузер" маркасындагы автотранспорт каражатын мамлекеттин пайдасына баш тартуунун бажы жол-жобосуна белгиленген тартипте жайгаштырсын.

2. Кыргыз Республикасынын Өкмөтүнө караштуу Мамлекеттик мүлктү башкаруу боюнча фонд ушул буйруктун 1-пунктунда аталган автотранспорт каражатын белгиленген тартипте мамлекеттин менчигине кабыл алсын жана аны Ж.Баласагын атындагы Кыргыз улуттук университетине оперативдүү башкарууга өткөрүп берсин.

3. Ж.Баласагын атындагы Кыргыз улуттук университети:

- ушул буйруктун 1-пунктунда аталган автотранспорт каражатын оперативдүү башкарууга кабыл алсын жана наркынын баасын чыгарсын;

- чыгымдардын бекитилген сметасынын чегинде автотранспорт каражатын күтүүнү ишке ашырсын жана илимий-изилдөө иштерин жана биология, география, экология жана туризм жаатында экспедицияларды жүргүзүү максатында пайдалансын:

- Кыргыз Республикасынын мыйзамдарына ылайык мамлекеттик органдарда автотранспорт каражатын каттасын.

4. Ушул буйруктун аткарылышын контролдоо Кыргыз Республикасынын Өкмөтүнүн Аппаратынын билим берүү, маданият жана спорт бөлүмүнө, финансы жана кредит саясаты бөлүмүнө жүктөлсүн.