КЫЗЫЛ-ТУУ АЙЫЛДЫК КЕӉЕШИ

ТОКТОМ

кезектеги он бешинчи сессиясы

2019-жылдын 15-октябры № 15-6

Таштак айылындагы ички көчөгө ысым ыйгаруу жөнүндө

     Кыргыз Республикасынын «Жергиликтүү өз алдынча башкаруу жөнүндө» мыйзамын жана Кыргыз Республикасынын 18.07.2014-жыл №144 географиялык аталыштар жөнүндөгү мыйзамынын 7-беренесин негиздеп, Таштак айылындагы чыгыштан батышка караган ички көчөгө Улуу Ата Мекендик согуштун ардагери маркум Төлөнов Мырзакасымдын ысымын ыйгаруу жөнүндөгү 7-октябрь 2019-жылдагы жыйналышынын протоколун мыйзамдуулук боюнча туруктуу комиссиясынын баяндамасында угуп жана талкуулап, Кызыл-Туу  айылдык кеңеши

ТОКТОМ КЫЛАТ:

1.    Таштак айылындагы ички көчөгө согуш ардагери Төлөнов Мырзакасымдын ысымы ыйгарылсын.

2.    Мындан ары жогорудагы белгиленген көчө Төлөнов Мырзакасым атындагы көчө деп аталсын.

3.    Көчөгө Кыргыз Республикасынын шаар жана айыл жергелеринин өнүгүү процесстеринин талабына ылайык сиволикасы белгиленсин.

4.    Бул токтом Кызыл-Туу айыл өкмөтүнүн www.kyzyl-tuu.my1.ru расмий сайтына жарыяланган күндөн баштап күчүнө кирет.