КЫРГЫЗ РЕСПУБЛИКАСЫНЫН ӨКМӨТҮ

БУЙРУК

2019-жылдын 17-декабры, № 486-б

Калкка медициналык кызматтарды көрсөтүүнүн сапатын жогорулатуу жана Кыргыз Республикасынын онкологиялык кызматынын материалдык-техникалык базасын жакшыртуу максатында, "Кыргыз Республикасынын Өкмөтү жөнүндө" Кыргыз Республикасынын конституциялык Мыйзамынын 10 жана 17-беренелерине ылайык:

1. Кыргыз Республикасынын Өкмөтүнүн 2018-жылдын 25-майындагы №172-б буйругуна төмөнкүдөй өзгөртүү киргизилсин:

3-пунктунун экинчи абзацы "медициналык жабдууларды" деген сөздөрдөн кийин ", оңдоо жана курулуш боюнча кызмат көрсөтүүлөрдү" деген сөздөр менен толукталсын.

2. Кыргыз Республикасынын Саламаттык сактоо министрлиги ушул буйруктун 1-пунктуна ылайык "Онкологиялык кызматты колдоо фонду" коомдук фондунун уставына белгиленген тартипте өзгөртүүлөрдү киргизсин.

3. Ушул буйруктун аткарылышын контролдоо Кыргыз Республикасынын Өкмөтүнүн Аппаратынын социалдык өнүктүрүү бөлүмүнө жүктөлсүн.