КЫРГЫЗ РЕСПУБЛИКАСЫНЫН ӨКМӨТҮ

БУЙРУК

2020-жылдын 27-июлу № 263-б

"Региондорду өнүктүрүү боюнча социалдык өнөктөштүк фонду" коомдук фондунун Байкоочу кеңешинин 2020-жылдын 22-июлундагы № 7 чечимине ылайык, өзгөчө кырдаал убагында "COVID-19" коронавирустук инфекциясын жуктуруп алган адамдарга өз убагында квалификациялык медициналык жардам көрсөтүү максатында, "Кыргыз Республикасынын Өкмөтү жөнүндө" Кыргыз Республикасынын конституциялык Мыйзамынын 10 жана 17-беренелерин жетекчиликке алуу менен:

1. "Региондорду өнүктүрүү боюнча социалдык өнөктөштүк фонду" коомдук фондунун (мындан ары - Фонд) төмөнкүлөр жөнүндө сунушуна жана Фонддун Байкоочу кеңешинин чечимине макулдук берилсин:

- Орловка (Чүй облусу, Кемин району) жана Чолпон-Ата (Ысык-Көл облусу, Ысык-Көл району) шаарларындагы объекттерди - ооруканаларды оңдоо-куруу иштерине акы төлөө жөнүндө;

- республиканын ооруканаларын суюк кычкылтек берүүчү борборлоштурулган система, газификаторлор жана көчмө рентген-аппараттар менен жабдуу жөнүндө.

2. Кыргыз Республикасынын Саламаттык сактоо министрлиги, Кыргыз Республикасынын Өкмөтүнө караштуу Архитектура, курулуш жана турак жай-коммуналдык чарба мамлекеттик агенттиги ушул буйруктан келип чыгуучу зарыл болгон чараларды көрүшсүн.

3. Ушул буйруктун аткарылышын контролдоо Кыргыз Республикасынын Өкмөтүнүн Аппаратынын социалдык өнүктүрүү бөлүмүнө, курулуш, транспорт жана коммуникациялар бөлүмүнө жүктөлсүн.