КЫРГЫЗ РЕСПУБЛИКАСЫНЫН ӨКМӨТҮ

БУЙРУК

2020-жылдын 10-августу № 269-б

Салыктык жана бажылык башкарууну санариптештирүү маселелери боюнча координациялык кеңештин курамын актуалдаштыруу максатында, "Кыргыз Республикасынын Өкмөтү жөнүндө" Кыргыз Республикасынын конституциялык Мыйзамынын 10 жана 17-беренелерине ылайык:

Кыргыз Республикасынын Өкмөтүнүн 2020-жылдын 13-январындагы № 3-б буйругуна төмөнкүдөй өзгөртүүлөр киргизилсин:

- жогоруда аталган буйрук менен түзүлгөн Салыктык жана бажылык башкарууну санариптештирүү маселелери боюнча координациялык кеңештин курамына төмөнкү адамдар киргизилсин:

Боронов Кубатбек Айылчыевич - Кыргыз Республикасынын Премьер-министри, Координациялык кеңештин төрагасы катары;

Темиралиев Таалайбек Асанбекович - Кыргыз Республикасынын Өкмөтүнүн Аппарат жетекчиси-министр;

Исмаилов Алтынбек Джапарович - Кыргыз Республикасынын Маалыматтык технологиялар жана байланыш мамлекеттик комитетинин төрагасы;

Тюменбаев Баккельди Рахимович - Кыргыз Республикасынын Өкмөтүнүн Аппаратынын финансы жана кредит саясаты бөлүмүнүн салык жана бажы саясаты секторунун башчысы;

Дубанаев Адилет Садырбекович - Кыргыз Республикасынын Өкмөтүнүн Аппаратынын финансы жана кредит саясаты бөлүмүнүн салык жана бажы саясаты секторунун эксперти;

Кыдыргычов Исламбек Намызбекович - Кыргыз Республикасынын Өкмөтүнүн Аппаратынын финансы жана кредит саясаты бөлүмүнүн салык жана бажы саясаты секторунун эксперти;

- курамдан М.Д.Абылгазиев, Б.Т.Джунусов, С.А.Кылжыев, Д.Д.Догоев чыгарылсын.

- жогоруда аталган буйрук менен бекитилген Салыктык жана бажылык башкарууну санариптештирүү маселелери боюнча координациялык кеңеш жөнүндө жободо:

18-пунктундагы "бөлүмүнүн салык жана бажы саясаты сектору" деген сөздөр "бөлүмү" деген сөз менен алмаштырылсын.