КР Министрлер Кабинетинин 2022-жылдын 18-февралындагы № 80-т «КР Саламаттык сактоо министрлигине COVID-19га каршы жана анын экономикага тийгизген таасиринин кесепеттерине каршы крш боюнча иш-чараларды ишке ашырууга багытталган каражаттардын эсебинен экспресс-тесттерди жана чыгымдалуучу материалдарды сатып алууга каражаттар бөлүнүү жөнүндө» тескемеси

КЫРГЫЗ РЕСПУБЛИКАСЫНЫН МИНИСТРЛЕР КАБИНЕТИНИН ТӨРАГАСЫ

ТЕСКЕМЕ

2022-жылдын 18-февралы № 80-т

Коронавирус инфекциясына (COVID-19) каршы күөшүүнүн алкагында маселелерди чечүү максатында, Кыргыз Республикасынын Бюджеттик кодексинин 115-беренесине, “Кыргыз Республикасынын Министрлер Кабинети жөнүндө” Кыргыз Республикасынын конституциялык Мыйзамынын 13, 17-беренесине ылайык:

1. Кыргыз Республикасынын Финансы министрлиги белгиленген тартипте:

1) Кыргыз Республикасынын Саламаттык сактоо министрлигине “Кыргыз Республикасынын 2022-жылга республикалык бюджети жана 2023-2024 жылдарга болжолу жөнүндө” Кыргыз Республикасынын Мыйзамында каралган, COVID-19га жана анын экономикагатийгизген таасиринин кесепеттерине каршы күрөшүү боюнча иш-чараларды ишке ашырууга багытталган каражаттардын эсебинен экспресс-тесттерди жана чыгымдалуучу материалдарды сатып алууга 70 400 000 (жетимиш миллион төрт жүз миң) сом бөлүп берсин;

2) “Кыргыз Республикасынын 2022-жылга республикалык бюджети жана 2023-2024-жылдарга болжолу жөнүндө” Кыргыз Республикасынын Мыйзамына өзгөртүүлөрдү киргизүү тууралуу” Кыргыз Республикасынын Мыйзамынын долбоорун иштеп чыгууда бул түзөтүүнү карасын.

2. Кыргыз Республикасынын Саламаттык сактоо министрлиги ушул тескемениин 1-пунктунда көрсөтүлгөн финансы каражаттарын максаттуу пайдаланууну камсыз кылсын.

3. Бул тескеменин аткарылышын контролдоо Кыргыз Республикасынын Президенттин жана Министрлер Кабинетинин чечимдерин аткарууну контролдоо башкармалыгына жүктөлсүн.