КЫРГЫЗ РЕСПУБЛИКАСЫНЫН МИНИСТРЛЕР КАБИНЕТИНИН ТЕСКЕМЕСИ

2022-жылдын 26-апрели № 227-т

"Кыргыз Республикасынын Министрлер Кабинети жөнүндө" Кыргыз Республикасынын конституциялык Мыйзамынын 13, 17-беренелерине ылайык:

1. Кыргыз Республикасынын Өкмөтүнүн 2019-жылдын 11-февралындагы № 15-б буйругуна төмөнкүдөй өзгөртүүлөр киргизилсин:

1) "Кыргызстандагы табигый кырсыктардын тобокелдиктерине туруштуулукту жогорулатуу" долбоорун башкаруу боюнча координациялык кеңештин курамы тиркемеге ылайык редакцияда баяндалсын;

2) жогоруда аталган буйрук менен бекитилген "Кыргызстандагы табигый кырсыктардын тобокелдиктерине туруштуулукту жогорулатуу" долбоорун башкаруу боюнча координациялык кеңеш жөнүндө жободо:

- 6-пунктунун бешинчи, жетинчи жана сегизинчи абзацтары күчүн жоготту деп таанылсын;

- 7-пунктундагы "Өкмөтү" деген сөз "Министрлер Кабинети" деген сөздөр менен алмаштырылсын;

- 8-пунктунун биринчи абзацы төмөнкүдөй редакцияда баяндалсын:

"8. Координациялык кеңештин төрагасы болуп Кыргыз Республикасынын финансы министри саналат.";

- 10-пунктундагы ", бирок жылына бир жолудан кем эмес" деген сөздөр алып салынсын.

"Кыргызстандагы табигый кырсыктардын тобокелдиктерине туруштуулукту жогорулатуу" долбоорун башкаруу боюнча координациялык кеңештин КУРАМЫ

Кыргыз Республикасынын финансы министри, Координациялык кеңештин төрагасы;

Кыргыз Республикасынын өзгөчө кырдаалдар министри, Координациялык кеңештин төрагасынын орун басары.

Координациялык кеңештин мүчөлөрү:

Кыргыз Республикасынын билим берүү жана илим министри;

Кыргыз Республикасынын финансы министринин орун басары;

Кыргыз Республикасынын экономика жана коммерция министринин орун басары;

Кыргыз Республикасынын Экономика жана коммерция министрлигине караштуу Финансы рыногун жөнгө салуу жана көзөмөлдөө кызматынын төрагасы;

Кыргыз Республикасынын Министрлер Кабинетине караштуу Архитектура, курулуш жана турак жай-коммуналдык чарба мамлекеттик агенттигинин директору;

"Мамлекеттик камсыздоо уюму" ачык акционердик коомунун башкармасынын төрагасы (макулдашуу боюнча).".