КЫРГЫЗ РЕСПУБЛИКАСЫНЫН ӨКМӨТҮ

БУЙРУК

2022-жылдын 10-августу № 431-б

Кыргыз Республикасынын Конституциясынын 85, 86-беренелерине, "Кыргыз Республикасынын Министрлер Кабинети жөнүндө” Кыргыз Республикасынын конституциялык Мыйзамынын 27-беренесине, "Кыргыз Республикасынын эл аралык келишимдери жөнүндө" Кыргыз Республикасынын Мыйзамына ылайык, мамлекеттик ички жол-жоболорду аткаруу максатында:

1.   2021-жылдын 15-октябрында кол коюлган Көз карандысыз Мамлекеттер Шериктештигине катышкан мамлекеттердин кылмыш жопу менен алынган кирешелерди легалдаштырууга (адалдоого), терроризмди каржылоого жана массалык кыргын салуучу куралды таратууну каржылоого каршы аракеттенүү жөнүндө келишимине Кыргыз Республикасынын Министрлер Кабинетинин тиркелген корутундусу жактырылсын.

2.   Кыргыз Республикасынын Министрлер Кабинетинин корутундусу Кыргыз Республикасынын Жогорку Кеңешине жиберилсин.

3.   Кыргыз Республикасынын Финансы министрлигине караштуу Финансылык чалгындоо мамлекеттик кызматы аталган Келиишмди ишке ашырууга жооптуу орган болуп аныкталсын.

2021-жылдын 15-октябрында кол коюлган Көз карандысыз Мамлекеттер Шериктештигине катышкан мамлекеттердин кылмыш жолу менен алынган кирешелерди легалдаштырууга (адалдоого), терроризмди каржылоого жана массалык кыргын салуучу куралды таратууну каржылоого каршы аракеттенүү жөнүндө келишимине Кыргыз Республикасынын Министрлер Кабинетинин корутундусу

2021-жылдын 15-октябрында кол коюлган Көз карандысыз Мамлекеттер Шериктештигине катышкан мамлекеттердин кылмыш жолу менен алынган кирешелерди легалдаштырууга (адалдоого), терроризмди каржылоого жана массалык кыргын салуучу куралды таратууну каржылоого каршы аракеттенүү жөнүндө келишими жалпысынан Кыргыз Республикасынын мыйзамдарынын ченемдерине ылайык келет жана Кыргыз Республикасынын мыйзамдарына ылайык күчүнө кирген эл аралык келишимдерге карама-каршы келбейт.

Келишимдин долбоору кирешелерди адалдоого жана терроризмди каржылоого каршы аракеттенүүнүн укуктук базасын өркүндөтүү максатында Көз карандысыз Мамлекеттер Шериктештигине мүчө мамлекеттердин Финансылык чалгындоо бөлүмдөрүнүн жетекчилеринин кеңеши тарабынан демилгеленген.

Кыргыз Республикасынын Конституциясынын 6-беренесине жана "Кыргыз Республикасынын эл аралык келишимдери жөнүндө" Кыргыз Республикасынын Мыйзамына ылайык Келишимдин долбоору ага кол коюлганга чейин мамлекеттик органдар менен макулдашылган.

Сунушталган өзгөртүүлөр акчаны адалдоого каршы финансылык чара иштеп чыгуу тобунун учурдагы сунуштамаларынын глоссарийин эске алуу менен терминологиялык аныктамаларды актуалдаштырууга багытталган. «Бенефициардык менчик ээси», «тоңдуруу», «финансылык чалгындоо бөлүмү», «массалык кыргын салуучу куралды жайылтууну каржылоо» сыяктуу тушунуктөр камтылган. Кирешелерди адалдоого жана терроризмди каржылоого каршы күрөшүүнүн эл аралык негиздерин өнүктүрүүгө байланыштуу өзгөртүүлөр киргизилди. Келишимдин колдонулушу массалык кыргын салуучу куралды таркатууну каржылоого каршы аракеттенүү системасына кенейтилди.

Тараптардын эл аралык кызматташуу мүмкүнчүлүктөрү күчөтүлдү, мисалы, өз ара аракеттенүү багыттарынын бири эки тараптуу эл аралык келишимдердин негизинде ишке ашырылуучу улуттук террористтик тизмелерди таануу жана колдонуу механизми болушу мүмкүн. Конфискациялоону жүргүзүү тартиби регламенттелген.

Келишимди ратификациялоо адамдын жалпы таанылган укуктарын жана эркиндиктерин сактоо жаатында эл аралык кызматташууга, кылмыш жолу менен алынган кирешелерди легалдаштырууга (адалдоого), терроризмди каржылоо жана массалык кыргын салуучу куралды жайылтууну каржылоо жаатында кабыл алынган Бириккен Улуттар Уюмунун жана Көз карандысыз Мамлекеттер Шериктештигинин эл аралык документтеринин жоболорун ишке ашырууга чоң маани берет.

Келишимге кол коюуга чейин белгиленген тартипте Кыргыз Республккасынын Жогорку Кеңешинин Укук тартиби, кылмыштуулук менен күрөшүү жана коррупцияга каршы аракеттенүү боюнча комитети (2017-жылдын 19-июнундагы № 6-3700и/17) жана Эл аралык иштер, коргоо жана коопсуздук боюнча комитети (2017-жылдын 14-июнундагы № 6-3621 и/17) менен макулдашылган, ошондой эле Кыргыз Республикасынын Министрлер Кабинетинин 2021-жылдын 5-июлундагы № 80-т тескемеси менен жактырылган.

Келишимди ратификациялоо финансылык чыгымдарга, ошондой эле терс финансылык-экономикалык жана башка кесепеттерге алып келбейт.