"Манас" эл аралык аэропорту" ачык акционердик коомунун аэропортторунун расмий делегациялар залдарында көрсөтүлүүчү кызматтар үчүн акы төлөө боюнча НУСКАМА

(Кыргыз Республикасынын Министрлер Кабинетинин 2023-жылдын 16-январындагы № 10-т, 2023-жылдын 29-майындагы № 284-т, 2023-жылдын 19-сентябрындагы № 546-т, 2025-жылдын 21-августундагы № 725-т, 2026-жылдын 13-марты № 160-т , 2026-жылдын 22-апрелиндеги № 280-т тескемелеринин редакцияларына ылайык)

"Манас" эл аралык аэропорту" ачык акционердик коомунун аэропортторунун расмий делегациялар залдарында тейленүүгө тийиш болгон кызмат орундарынын жана адамдардын тизмесине (мындан ары - Тизме) ылайык акы төлөөнүн төмөнкүдөй тартиби белгиленсин:

1. Кыргыз Республикасынын Президенти;

Кыргыз Республикасынын Жогорку Кеңешинин Төрагасы;

Кыргыз Республикасынын Министрлер Кабинетинин Төрагасы - Кыргыз Республикасынын Президентинин Администрациясынын Жетекчиси;

Кыргыз Республикасынын Конституциялык сотунун жана Кыргыз Республикасынын Жогорку сотунун төрагалары, алардын орун басарлары;

Кыргыз Республикасынын Конституциялык сотунун жана Кыргыз Республикасынын Жогорку сотунун судьялары;

(Кыргыз Республикасынын Министрлер Кабинетинин 2025-жылдын 21-августундагы № 725-т тескемесине ылайык күчүн жоготту)

Кыргыз Республикасынын Коопсуздук кеңешинин катчысы;

Кыргыз Республикасынын Мамлекеттик катчысы;

Кыргыз Республикасынын Жогорку Кеңешинин Төрагасынын орун басарлары;

Кыргыз Республикасынын Министрлер Кабинетинин Төрагасынын биринчи орун басары, Кыргыз Республикасынын Министрлер Кабинетинин Төрагасынын орун басарлары, Кыргыз Республикасынын Президентинин Администрациясынын Жетекчисинин орун басары;

Алардын үй-бүлө мүчөлөрү (жубайы жана балдары);

Кызмат адамдарын коштоп жүргөн Кыргыз Республикасынын Улуттук коопсуздук мамлекеттик комитетинин 9-кызматынын кызматкерлери;

акысыз тейленет.

2. (Кыргыз Республикасынын Министрлер Кабинетинин 2025-жылдын 21-августундагы № 725-т тескемесине ылайык абзац күчүн жоготту)

Кыргыз Республикасынын Жогорку Кеңешинин депутаттары;

Кыргыз Республикасынын Башкы прокурору;

Кыргыз Республикасынын Балдар укугу боюнча ыйгарым укуктуу өкүлү;

Кыргыз Республикасынын Президентинин жана Министрлер Кабинетинин атайын өкүлдөрү;

Кыргыз Республикасынын Эсептөө палатасынын төрагасы;

Кыргыз Республикасынын Улуттук банкынын төрагасы;

Кыргыз Республикасынын Шайлоо жана референдум өткөрүү боюнча борбордук комиссиясынын төрагасы;

Кыргыз Республикасынын Акыйкатчысы (Омбудсмени);

Кыргыз Республикасынын министрлери, Кыргыз Республикасынын мамлекеттик комитетинин төрагасы;

Кыргыз Республикасынын тышкы иштер министринин орун басары;

Евразия экономикалык комиссиясынын Коллегиясынын мүчөлөрү (Министрлер);

Кыргыз Республикасынын Жогорку Кеңешинин Аппаратынын жетекчиси;

Кыргыз Республикасынын Конституциялык сотунун жана Кыргыз Республикасынын Жогорку сотунун аппараттарынын жетекчилери, алардын орун басарлары;

(Абзац КР Министрлер Кабинетинин 2023-жылдын 16-январындагы № 10-т тескемесинин редакциясына ылайык күчүн жоготту)

Кыргыз Республикасынын Президентинин Администрациясынын башкармалыктарынын начальниктери;

Кыргыз Республикасынын Президентинин Администрациясынын түзүмдүк бөлүмдөрүнүн жетекчилери жана Кыргыз Республикасынын Президентинин Администрациясынын Кыргыз Республикасынын Президентинин протокол кызматынын кызматкерлери;

Кыргыз Республикасынын Коопсуздук кеңешинин катчысынын орун басары;

Кыргыз Республикасынын Жогорку Кеңешинин Аппаратынын жетекчисинин орун басарлары;

Кыргыз Республикасынын Жогорку Кеңешинин Аппаратынын түзүмдүк бөлүмдөрүнүн жетекчилери;

Кыргыз Республикасынын Президентинин жана Кыргыз Республикасынын Министрлер Кабинетинин Төрагасы - Кыргыз Республикасынын Президентинин Администрациясынын Жетекчисинин кеңешчилери, жардамчылары жана өкүлдөрү, ошондой эле Кыргыз Республикасынын Президентинин Администрациясы менен макулдашуу боюнча коомдук башталышта кеңешчилери;

Кыргыз Республикасынын Министрлер Кабинетинин Төрагасынын биринчи орун басарынын жана орун басарларынын, Кыргыз Республикасынын Президентинин Администрациясынын Жетекчисинин орун басарынын, Кыргыз Республикасынын Мамлекеттик катчысынын кеңешчилери, жардамчылары;

Кыргыз Республикасынын Президентинин облустардагы ыйгарым укуктуу өкүлдөрү;

Бишкек шаардык кеңешинин төрагасы жана төраганын орун басарлары;

Бишкек жана Ош шаарларынын мэрлери;

«Кыргыз Республикасынын Улуттук инвестициялык фонду» ачык акционердик коомунун башкы директору жана анын орун басары;

Азербайжан-Кыргыз өнүктүрүү фондунун Башкармасынын Азербайжан Республикасы тарабынан тең төрагасы;

Кыргыз Республикасынын мамлекеттик кызматтарынын төрагалары, Кыргыз Республикасынын Министрлер Кабинетине караштуу мамлекеттик кызматтардын төрагалары;

Кыргыз Республикасынын Министрлер Кабинетине караштуу мамлекеттик агенттиктердин директорлору;

Кыргыз Республикасынын Министрлер Кабинетине караштуу фонддордун төрагалары;

Кыргыз Республикасынын Президентине караштуу комиссиялардын төрагалары, агенттиктердин директорлору;

Кыргыз Республикасынын Дин иштери боюнча мамлекеттик комиссиясынын директору;

Кыргыз Республикасынын Жогорку сотуна караштуу Сот департаментинин директору;

Кыргыз Республикасынын Улуттук статистика комитетинин төрагасы;

Кыргыз Республикасынын Улуттук Олимпиадалык комитетинин президенти;

Кыргыз Республикасынын Президентинин иш башкаруучусу жана анын орун басарлары, ошондой эле Кыргыз Республикасынын Президентинин Иш башкармасынын протоколдук иш-чараларды уюштуруу жана тышкы байланыштар бөлүмүнүн кызматкерлери;

Чет мамлекеттерде аккредитацияланган Кыргыз Республикасынын атайын жана ыйгарым укуктуу элчилери, башкы консулдары, Кыргыз Республикасынын Тышкы иштер министрлиги тарабынан бекитилүүчү тизмеге ылайык Кыргыз Республикасында аккредитацияланган чет мамлекеттердин атайын жана ыйгарым укуктуу элчилери, башкы консулдары;

Кыргыз Республикасынын экс-президенти;

Кыргыз Республикасынын Жогорку Кеңешинин экс-төрагасы;

Кыргыз Республикасынын экс-премьер-министрлери;

Кыргыз Республикасынын Министрлер Кабинетинин экс-Төрагасы - Кыргыз Республикасынын Президентинин Администрациясынын Жетекчиси;

"Кыргыз Республикасынын эмгек сиңирген ишкери" ардак наамын алган адамдар.

акысыз тейленет.

Алардын үй-бүлө мүчөлөрү (жубайы жана балдары) жана аларды коштоочу адамдар расмий делегациялар залында тейлөө үчүн 240 сом өлчөмүндө акы төлөшөт (бир жүргүнчү үчүн).

3. Тизмеге киргизилген калган кызмат адамдары жана алар менен кошо учуп кетүүчү алардын үй-бүлө мүчөлөрү "Манас" эл аралык аэропорту" ачык акционердик коомунун аэропортторунун расмий делегациялар залында тейлөө үчүн 240 сом өлчөмүндө акы төлөшөт (бир жүргүнчү үчүн).

4. Бул Нускаманын 1, 2-пункттарында саналып өткөндөргө окшош кызмат орундарын ээлеген чет мамлекеттердин расмий адамдары алдын ала жазуу жүзүндөгү өтүнмөлөр боюнча ээлеген кызмат орундарына ылайык тейленет.

5. Чет өлкөлүк дипломатиялык миссиялардын өкүлдөрү расмий делегациялар залдарында өз ара мамиле шарттарында тейленет.

6. Бул Нускаманын 1, 2-пункттарында аталган кызмат адамдарын коштоочулар 240 сом өлчөмүндө акы алынат (бир жүргүнчү үчүн).

8. Расмий делегацияларды тейлөө боюнча эсептешүүлөр делегацияны кабыл алган (жөнөткөн) уюмдун (ведомствонун) тиешелүү административдик-чарбалык бөлүмдөрү тарабынан жүргүзүлөт.

9. Бул Тизмеге киргизилбеген адамдарды тейлөө эл аралык линияларда 3000 сом жана ички линияларда-1000 сом тарифи боюнча жүргүзүлөт.

10. Бойго жеткен жүргүнчүлөр менен бирге бараткан 2ден 12 жашка чейинки курактагы балдар үчүн акы төлөө бойго жеткен жүргүнчү үчүн белгиленген ставканын 50% өлчөмүндө жүргүзүлөт. 2 жашка чейинки курактагы балдар үчүн акы алынбайт.

11. Расмий делегациялар залынын кызматкерлери ар бир айдын 10унда андан ары эсептерди берүү үчүн тейленүүчү уюмду көрсөтүү менен "Манас" эл аралык аэропорту" ачык акционердик коомунун бухгалтериясына залдын кызмат көрсөтүүлөрүн пайдаланган жүргүнчүлөрдүн саны жөнүндө маалыматтарды берет.

12. Расмий делегацияларды тейлөө үчүн акы төлөөдөн бошотуу Кыргыз Республикасынын Министрлер Кабинетинин Төрагасы - Кыргыз Республикасынын Президентинин Администрациясынын Жетекчисинин, Кыргыз Республикасынын Президентинин Иш башкаруучусунун, алардын орун басарларынын же "Манас" эл аралык аэропорту" ачык акционердик коомунун жетекчисинин уруксаты боюнча жүргүзүлөт.

13. Кыргыз Республикасынын Президентинин катышуусу менен иш-чаралар Президенттин залында өткөрүлөт.

14. Кыргыз Республикасынын Министрлер Кабинетинин Төрагасы - Кыргыз Республикасынын Президентинин Администрациясынын Жетекчисинин катышуусу менен иш-чаралар Министрлер Кабинетинин залында өткөрүлөт.

15. Кыргыз Республикасынын Жогорку Кеңешинин Төрагасы, Кыргыз Республикасынын Конституциялык сотунун жана Кыргыз Республикасынын Жогорку сотунун төрагалары, Кыргыз Республикасынын Жогорку Кеңешинин Төрагасынын орун басарлары, Кыргыз Республикасынын Министрлер Кабинетинин Төрагасынын биринчи орун басары, Кыргыз Республикасынын Министрлер Кабинетинин Төрагасынын орун басарлары, Кыргыз Республикасынын экс-президенти катышкан иш-чаралар Төраганын залында өткөрүлөт.

16. Тизмеге киргизилген калган адамдар расмий делегациялардын жалпы залында тейленет.

Эскертүү:

1. Расмий делегациялар залынын кызмат көрсөтүүлөрүн пайдалануу үчүн накталай төлөө, жүргүнчүнүн аты-жөнүн көрсөтүү менен ар кандай жыйымдардын квитанциясы менен таризделет. Бир нече жүргүнчү үчүн акы алууну бир квитанция менен тариздөөгө уруксат берилет (делегация, үй-бүлө ж.б.у.с., мында квитанцияда негизги жүргүнчүнүн аты-жөнү жана аны менен кошо жүргөн жүргүнчүлөрдүн саны көрсөтүлөт).

2. Бюджеттик уюмдар жана мекемелер расмий делегациялар залдарынын кызмат көрсөтүүлөрүн пайдалануу үчүн акы төлөөнү учурдагы финансылык жылга каралган каражаттардын чегинде жүзөгө ашырат.

3. Расмий делегациялар залынын кызмат көрсөтүүлөрүн пайдалануу үчүн акы төлөө накталай жана накталай эмес эсептешүү түрүндө жүргүзүлөт.