КЫРГЫЗ РЕСПУБЛИКАСЫНЫН МИНИСТРЛЕР КАБИНЕТИНИН ТЕСКЕМЕСИ

2023-жылдын 21-февралы, № 66-т

2023-жылдын 13-январында аномалдуу сууктан жабыр тарткан Жалал-Абад облусунун Майлуу-Суу шаарынын калкынын социалдык аялуу катмарына гуманитардык жардам көрсөтүү максатында, "Мамлекеттик материалдык резерв жөнүндө" Кыргыз Республикасынын Мыйзамынын 4, 9, 18-беренелерине, "Кыргыз Республикасынын Министрлер Кабинети жөнүндө" Кыргыз Республикасынын конституциялык Мыйзамынын 13, 17-беренелерине ылайык:

1. Кыргыз Республикасынын Өзгөчө кырдаалдар министрлиги белгиленген тартипте:

1) Мамлекеттик материалдык резервдер фондунан Жалал-Абад облусунун Майлуу-Суу шаарынын калкынын социалдык аялуу катмарына гуманитардык жардам түрүндө төмөнкүлөрдү бөлсүн:

- 20 250 (жыйырма миң эки жуз элүү) килограмм биринчи сорттогу ун "Карасу-Дан-Азык" ачык акционердик коомунан, Ош облусунун Кара-Суу шаары;

- 8 100 (сегиз миң бир жүз) килограмм кумшекер "Азрат Айыб" ачык акционердик коомунан, Жалал-Абад облусунун Жалал-Абад шаары;

- 4 050 (төрт миң элүү) литр өсүмдүк майы "Азрат Айыб" ачык акционердик коомунан, Жалал-Абад облусунун Жалал-Абад шаары;

2) Кара-Суу жана Жалал-Абад шаарларынан Майлуу-Суу шаарына биринчи сорттогу ун, кумшекер жана өсүмдүк майы түрүндөгү гуманитардык жардамды жеткирүүнү уюштурсун.

2. Кыргыз Республикасынын Президентинин Кыргыз. Республикасынын Жалал-Абад облусундагы ыйгарым укуктуу өкүлү Жалал-Абад облусунун Майлуу-Суу шаарынын калкынын социалдык аялуу катмарына гуманитардык жардамды бөлүштүрүүнү уюштурсун.

3. Бул тескеменин аткарылышын контролдоо Кыргыз Республикасынын Президентинин Администрациясынын Президенттин жана Министрлер Кабинетинин чечимдерин аткарууну контролдоо башкармалыгына жүктөлсүн.