ТАЛАА-БУЛАК АЙЫЛДЫК КЕҢЕШ

ТОКТОМ

Талаа-Булак айыл аймагынын айылдык Кеңешинин V чакырылышынын  кезексиз  VI сессиясы

2013-жылдын 29-августу № 6/1

Талаа-Булак айыл аймагында Кз  зоналык коэффициентин бекитүү жөнүндө

Талаа-Булак  айыл аймагынын  айыл өкмөтүнүн “Жергиликтүү административдик аймагына” жер салыгын жана  мүлк салыгынын 1,2,3 топторуна Кыргыз Республикасынын 17-октябрь 2008-жылдагы №231 мыйзамын аткаруу менен  Талаа-Булак айыл аймагынын айыл  өкмөтүнүн жергиликтүү бюджетинин киреше бөлүгүн көбөйтүү максатында Кз зоналык коэффициентин бекитүү жөнүндө  Талаа-Булак айыл аймагынын айылдык Кеңеши

ТОКТОМ  КЫЛАТ:

1. 2014-жылдын 1-январынан Талаа-Булак айыл аймагынын айыл өкмөтүнүн «Жергиликтүү административдик аймагына» төмөндөгү салыктардын түрлөрү киргирзилсин.

– айыл чарба жерлерин пайдалангандыгы үчүн жер салыгын, калктуу   конуштардын жерлерин жана айыл чарба багытында болбогон жерлерди  пайдалангандыгы үчүн жер салыгын, короо жана багбанчылык жер участокторун пайдалангандыгы үчүн жер салыгын;

-- мүлк салыгынын 1,2,3,4 топтогу объектилерин;

-- Кз  зоналык коэффициенти 1 өлчөмүндө бекитилсин.

2. Салыктарды эсептөөнүн жана төлөөнүн тартиптери көрсөтүлгөн салыктарга бекитилсин.

3. Бул токтом мамлекеттик нормативдик укуктук актыга киргизүүгө жана каттого алууга  Нарын  облустук  адилет  башкармалыгына  жөнөтүлсүн.

4. 2014-жылдын 1-январынан тартып токтом күчүнө кирсин

5. Бул токтомдун аткарылышына жана көзөмөлгө алууга  Талаа-Булак айыл аймагынын айыл өкмөтүнүн  башчысына жүктөлсүн