КОЧКОР-АТА ШААРДЫК КЕӉЕШИ

ТОКТОМ

2014-жылдын 14-майы.№01-01/94

 «Кочкор-Ата шаардык жергиликтүү

бюджеттин 2013-жылга

аткарылышын бекитүү жөнүндө»

Кочкор-Ата шаардык Кеңешинин XXVI чакырылышынын кезексиз XVIII сессиясы, Кочкор-Ата шаардык жергиликтүү бюджеттин 2013-жылга аткарылышы боюнча шаардык мэриянын каржы-экономика бөлүмүнүн башчысы Ж.Мамбеткулованын отчётун угуп талкуулап, Кыргыз Республикасынын «Кыргыз Республикасындагы бюджеттик укуктун негизги принциптери жөнүндө» мыйзамынын 52-беренесине, Кыргыз Республикасынын «Жергиликтүү өз алдынча башкаруу жөнүндө» мыйзамынын 31-беренесине ылайык

ТОКТОМ КЫЛАТ:

1. 2013-жылдын 05-апрелиндеги № 01-01/33 токтому менен бекитилген 2013-жылдын бюджетинин аткарылышы боюнча шаардык мэриянын каржы-экономика бөлүмүнүн башчысы Ж.Мамбеткулованын отчёту «канааттандырарлык» деп табылсын.

2. Жергиликтүү бюджеттин 2013-жылга аткарылышы боюнча, шаардык мэриянын каржы-экономика бөлүмүнүн башчысы Ж.Мамбеткуловага шаардык Кеңештин «Каржы, бюджет, экономика, салык жана инвестиция тартуу маселелери боюнча» туруктуу комиссиясынын белгилеген сын- пикирлери эске алынсын.

3. Жергиликтүү бюджеттин 2013-жылга киреше бөлүгү боюнча көрсөтүлгөн 27 416 471(жыйырма жети миллион төрт жүз он алты миң төрт жүз жетимиш бир) сом пайдалуу кендерден алынуучу 2% салыктан түшкөн акча каражаты иштетилбегендигин эске алуу менен бюджеттин аткарылышы бекитилсин.

4. Токтомдун үчүнчү пунктунун аткарылышын көзөмөлдөөнү «Каржы, бюджет, экономика, салык жана инвестиция тартуу маселелери боюнча» туруктуу комиссиясынын төрагасына милдеттендирилсин.

5. Токтомдун аткарылышын көзөмөлдөөнүн шаардык Кеңешинин төрагасынын орун басары А.М.Нусупбековго жүктөлсүн.