КАРА-КӨЛ ШААРДЫК КЕӉЕШИ

ТОКТОМ

Кара-Көл шаардык Кеңешинин XV сессиясы

2014-жылдын 14-октябры № 52/15-6

“Муниципиалдык менчикте турган жер

тилкелерин жана кыймылсыз мүлктөрдү

сатуу, ижарага берүү жана аукцион өткөрүү

боюнча комиссиянын курамын бекитүү жөнүндө”

Кыргыз Республикасынын 23.09.2011-жыл №571 сандуу токтому менен бекитилген муниципиалдык менчикте турган жер участокторуна менчик же ижара укугун берүүнүн тартиби жана шарттары жөнүндө типтүү жобонун 13-пунктун аткаруу максатында, Кара-Көл шаарынын I вице-мэри С.У. Токтогуловдун муниципиалдык менчикте турган жер тилкелерин жана кыймылсыз мүлктөрдү сатуу, ижарага берүү жана  аукцион өткөрүү боюнча комиссиянын курамын бекитип берүү жөнүндө кайрылуусун угуп жана талкуулап чыгып, Кара-Көл шаар аймагынын Кара-Көл шаардык кеңешинин кезектеги ХV сессиясы

ТОКТОМ КЫЛАТ:

1. Муниципиалдык менчикте турган жер тилкелерин жана кыймылсыз мүлктөрдү сатуу, ижарага берүү аукцион өткөрүү боюнча комиссиянын 9 кишиден турган төмөндөгү курамы бекитилсин:

- Кара-Көл шаарынын I вице мэри  комиссиянын төрагасы.

- ШММБнын башчысы комиссиянын төрагасынын орун басары;

-Кара-Көл шаарынын шаар курулуш жана архитектурасы боюнча башкармалыгынын башчысы;

-Кара-Көл жерге жайгаштыруу жана кыймылсыз мүлккө укуктарды каттоо башкармалыгынын башчысы;

- КТГЭС коммуналдык ишканалар комбинатынын башчысы;

- шаардык РЭТнин башчысы;

- коомдук уюмдун өкүлү;

- шаардык кеңештин депутаты;

- шаардык кеңештин депутаты.

2. Кара-Көл шаардык кеңешинин 28.03.2008-жылдагы №111/31-4 сандуу токтому күчүн жоготту деп табылсын.

3. Бул токтомдун аткарылышын камсыз кылуу I вице- мэрге  (С.У.Токтогулов), ал эми көзөмөлгө алуу жагы шаардык кеңештин өндүрүш, курулуш, архитектура, турак-жай, коммуналдык чарба, муниципалдык менчик жана жер маселелери боюнча туруктуу комиссиясына  (Б.Н.Кыргызалиев) жүктөлсүн.