СЕМЕНОВ АЙЫЛДЫК КЕӉЕШИ

ТОКТОМ

Семенов айылдык Кеңешинин XXVI чакырылышынын IX-сессиясы

2014-жылдын 15-апрели № 4

“Жайыт комитетинин 2013-жылдагы ишинин аткарылышы жана 2014–жылдын бюджетин бекитүү жөнүндө”

Семенов айыл аймагындагы жайыт пайдалануучулар бирикмесинин (ЖПБ) төрагасы

Ж . Чокоевдин маалыматын угуп жана талкуулап, Семенов айылдык аймагынын айылдык Кеңеши төмөндөгүдөй

ТОКТОМ КЫЛАТ:

1.Жайыт комитетинин төрагасы Ж. Чокоевдин Жайыт комитетинин 2013-жылдагы

ишинин аткарылышы жана 2014 – жылдын бюджетин бекитүү жөнүндө маалыматы жактырылсын .

2. Семенов айыл аймагындагы ЖПБ нын 2014 - жылга карата бюджети бекитилсин .

3. Семенов айыл аймагы боюнча жайыт акысы төмөндөгүдөй тартипте бекитилсин :

- бодо уй – 35 сомдон

- жылкы - 35 сомдон

- кой-эчки – 8 сомдон

Сырттан келген малдарга:

- бодо уй- 60 сом

- жылкы- 60 сом

- кой-эчки- 16 сомдон

4. Менчик айдоо аянттарына (күздүккө, бедеге) кароосуз кирген малдардан келтирген чыгымды калыбына келтирүү жагы жер ээлеринин арызынын негизинде айылдык аксакалдар сотунда каралсын.

5. Айыл аймагындагы малчылардын көчүү – конуу тартиби төмөндөгүдөй бекитилсин :

- 1-майга чейин Кырчын жайлоосуна

- 1-июнга чейин Кырчындын түзүнөн алыскы жайыттарга

- 1 - октябрдан баштап жайлоодон кыштоого көчүрүлсүн .

6. Токтомдун аткарылышы жайыт комитетинин төрагасы Ж. Чокоевге жүктөлсүн .

7. Токтомдун аткарылышын көзөмөлдөө жагы Семенов айыл өкмөтүнүн жер комиссиясына милдеттендирилсин жана комиссия менен жайыт комитети бирдикте иш алып барылсын.

8. Жайыт комитетинин төрагасынын эмгек акысы 3 500 сом болуп белгиленип, бухгалтер алынганча , бухгалтердин иши жайыт комитетинин төрагасына жүктөлсүн.