МАЙЛУУ-СУУ ШААРДЫК КЕӉЕШИ

ТОКТОМ

2014-жылдын 23-октябры № 10-7-2

"Майлуу-Суу шаарынын муниципалдык менчик башкармалыгындагы жер тилкелерин жеке менчикке жана ижарага берүү, максаттуу пайдалануу жобосун ишке ашыруу жөнүндө"

Майлуу-Суу шаарынын мэриясынын 2014-ж.20-мартындагы № 01-14/410 каты боюнча шаардын вице-мэри З.Расуловдун маалыматын угуп, шаардык кеңештин өнөр жай, транспорт, коммуналдык  чарба, энергетика,курулуш жана  соода- сатык боюнча комиссиясынын чечимин угуп жана талкуулап чыгып Майлуу-Суу шаардык кеңеш

ТОКТОМ КЫЛАТ:

1. Майлуу-Суу шаарынын мэриясынын 2014-ж. 20-мартындагы № 01-14/410 каты боюнча шаардын вице-мэри З.Расуловдун маалыматы, шаардык кеңештин өнөр жай, транспорт, коммуналдык чарба, энергетика, курулуш жана соода- сатык боюнча комиссиясынын чечими эске алынсын.

2. Майлуу-Суу шаарынын  мэриясы, муниципалдык менчик башкармалыгы жер тилкелерин  жеке менчикке жана ижарага берүүдө, максаттуу пайдаланууга берүүдө Кыргыз Республикасынын Өкмөтүнүн 2011-жылдын 23-сентябрындагы № 571 “Муниципалдык менчиктеги жерлерди ижарага берүү жана жеке менчикке берүү шарттары  жана тартибиндеги типтүү  жобону бекитүү” жөнүндөгү токтомунун негизинде ишин алып барышсын.

3. Майлуу-Суу шаарынын мэриясы (К.У.Сатыбалдиев) “Майлуу-Cуу шаарындагы муниципалдык менчиктик карамагындагы жер участкаларын ижарага берүү же жеке менчикке берүү шарттары жана тартиби жөнүндөгү жобону”, “Майлуу-Cуу шаарындагы муниципалдык менчиктик карамагындагы жер участкаларын ижарага берүү же жеке менчикке берүү шарттары жана тартиби жөнүндөгү,  жеңилдетилген типтеги объекттер үчүн жобону” Майлуу-Суу шаарына ылайыкташтырылган тартипте иштеп чыксын.

4. Бул токтомдун аткарылышын көзөмөлдөө шаардык кеңештин  өнөр жай, транспорт, коммуналдык  чарба, энергетика,курулуш жана соода-сатык боюнча комиссиясына  жүктөлсүн (А.Асанов).