КЫЗЫЛ-КЫЯ ШААРДЫК КЕҢЕШИ

ТОКТОМ

2015-жылдын 24-февралы № 28/101

Кызыл–Кыя шаарынын 2015–жылга жергиликтүү бюджетин бекитүү жөнүндө

Кун тартибиндеги маселени карап жана талкуулап чыгып, “Жергиликтүү өз алдынча башкаруу жөнүндө” Кыргыз Республикасынын 2011–жылдын 15–июлундагы №101 Мыйзамынын 31–беренесине негиз, Кызыл–Кыя шаарынын 2015–жылдагы жергиликтүү бюджетин бекитүү  жөнүндө маселе шаардык кеңештин бюджет, финансы жана фискалдык саясат боюнча туруктуу комиссиясында каралып такталгандыгын жана киргизилген сунуштардын негизинде түзүлгөндүгүн маселени талкуулоодо депутаттар тарабынан берилген сунуштарды эске алып, Кызыл–Кыя шаардык кеңешинин сессиясы

ТОКТОМ КЫЛАТ:

1. Кызыл–Кыя шаарынын 2015–жылга бюджетин түзүү учурунда жетишсиздиктер белгиленип, 2014–жылга шаардын жергиликтүү бюджетинин чыгаша бөлүгүнүн чыныгы минималдуу керектөөсү бюджеттик мекемелердин берген долбоорунун негизинде 143425,8 миң сом өлчөмүндө аныкталсын. Кызыл–Кыя шаарынын 2015–жылга бюджетинин кирешелери жана чыгашалары боюнча Кыргыз Республикасынын каржы министрлиги тарабынан берилген контролдук суммасы 127805,2 миң сом өлчөмүндө бекитилип, жетишсиздик 9620,6 миң сом эске алынып, шаардык билим берүү бөлүмүнүн атайын каражаты 6000,0 миң сомго көбөйтүлгөндүгүнө байланыштуу 133805,2 миң сомго бекитилсин.

2. 2015–жылга шаардык бюджеттин кирешелерин түзүүчү булактары                       №1–тиркемеге ылайык бекитилсин.

3. 2015–жылга шаардык бюджеттин чыгаша бөлүгүнүн багыттары                           №2–тиркемеге ылайык бекитилсин.

4. 2015–жылга 704–экономикалык бөлүкчөдөгү бөлүнгөн акча каражаттары               №3–тиркемеге ылайык бекитилсин.

5. Шаардагы бюджеттик мекемелердин чыгашаларынын айрым бөлүмдөрү боюнча 2014–жылы каржыланбай калган карыздары 2015–жылдын бюджетинин эсебинен жүргүзүлсүн.

6. Кызыл-Кыя шаардык кеңешинин бюджет, финансы жана фискалдык саясат боюнча туруктуу комиссиясынын жана фракциялардын катышуусунда өткөн отурумда айтылган сунуштар 2014–жылга кошумча кирешелерди таап каржылоо шаардын мэри А. Халмурзаевке сунушталсын.

7. Жергиликтүү бюджеттин 2015–жылдын 1–январына болгон эркин калдык 1130,3 миң сом, анын ичинен бюджет 837,7 миң сом, атайын каражат 292,5 миң сомду түзөт. Шаардык бюджеттин эркин калдыгы экономикалык бөлүкчөдө каралып, мэрия аркылуу каржылансын, атайын каражаттан калган калдык балдар бакчасына 283,5 миң сом, ДМШга 3,3 миң сом, Маданият бөлүмүнө 5,7 миң сом карыздарын жабуу үчүн бөлүнүп берилсин.

8. 2015–жылдын 1–январына карата шаардык бюджет боюнча кассада жүгүртүлүүчү нак акча 100,0 миң сом өлчөмүндө бекитилсин.

9. Кыргыз Республикасынын “Муниципалдык кызмат жөнүндө” Мыйзамынын 28–беренесине жана шаардык кеңештин бюджет, финансы жана фискалдык саясат боюнча туруктуу комиссиясынын чечимине негиз, Кызыл–Кыя шаарынын мэриясында, шаардык кеңеште, ММДда жана Караван аймактык башкармалыгында эмгектенген муниципалдык кызматкерлер: бөлүм башчы; башкы адис; жетектөөчү адис жана адистердин кызмат акысына белгиленген базанын 50% өлчөмүндө жергиликтүү бюджеттен кошумча эмгек акы 2015–жылдын 1–январынан баштап төлөнүп берилсин.

10. Ушул токтомдун аткарылышын көзөмөлдүк кылуу жагы Кызыл–Кыя шаардык кеңештин бюджет, финансы жана фискалдык саясат боюнча туруктуу комиссиясына тапшырылсын. (тиркемелер тиркелет)

2015–жылдын жергиликтүү бюджеттинин киреше бөлүгүнүн

контролдук суммасы

Кызыл–Кыя шаардык жергиликтүү бюджетинин чыгаша бөлүгүнүни2015–жылга бөлүнүшү

     мин сом.

Экономикалык болукчонун болунушу