КЕРЕГЕ-ТАШ АЙЫЛДЫК  КЕҢЕШИ

ТОКТОМ

Кереге-Таш айыл аймагынын айылдык Кеңешинин XXVI чакырылышынын кезексиз XXIV сессиясы

2015-жылдын 30-сентябры № 1

 «Хан-Теңгри» мамлекеттик жаратылыш паркын уюштуруу үчүн алыскы Сырт зонасындагы жер тилкелерин өткөрүп берүү жөнүндө

ТОКТОМ КЫЛАТ.

1. «Хан-Теңгри» мамлекеттик жаратылыш паркын уюштуруу үчүн Сырт зонасындагы Сары-Жаз өрөөнүндөгү Кереге-Таш айыл аймагына тиешелүү Адыр-Төр жайлоосунан жалпы 9672,0 га жерди шарты татаал жайыт жерлерди өткөрүп берүүгө макулдук берилип анын ичинен бардык жайыт жерлер айыл аймагынын карамагында калтырылсын;

2. Өткөрүлүп бериле турган жерлер төмөнкү шарттар менен берилсин:

өткөрүлүп берилүүчү 9672,0 га жер тилкелеринин ичиндеги айыл чарба багытындагы жайыт жерлери «Хан-Теңгри» мамлекеттик жаратылыш паркынын чарбалык зонасында калтырылып, бул жерлерди пайдалануу укугу толугу менен Кереге-Таш айыл аймагына берилсин;

жайыт жерлер үчүн төлөмдөр айыл аймагынын жайыт комитетинин эсебине кириштелсин;

жайыт жерлер айыл аймагынын тургундарына гана берилсин;

келечекте өткөрүлүп берилген жер аянттарында баалуу кен байлыктар табылып калса, жерлер айыл аймагына кайтарылып берилсин;

эгерде коммерциялык багыттагы иштер жүргүзүлсө, Кыргыз Республикасынын мыйзамына ылайык айыл аймагына тиешелүү финансылык чегерүүлөр жүргүзүлсүн;

жергиликтүү калкты иш орду менен камсыздоо.

3. Эгерде «Хан-Тенгри» Мамлекеттик жаратылыш паркы ишин токтоткон учурда жерлер айыл аймагына кайтарылып берилсин.

4. Кереге-Таш  айыл өкмөтүнүн башчысы Ж.Жумашовго тиешелүү иш кагаздарын бүткөрүп берүүсү тапшырылсын.