КОЧКОР-АТА ШААРДЫК КЕӉЕШИ

ТОКТОМ

2015-жылдын 5-ноябры № 01-05/186

Кочкор-Ата балдар-өспүрүмдөр спорт мектебинин директорунун кайрылуу катын кароо жөнүндө

Кочкор-Ата шаардык Кеңешинин XXVI чакырылышынын кезектеги XXVIII сессиясы, Кочкор-Ата балдар-өспүрүмдөр спорт мектебинин директорунун кайрылуу катын карап жана талкуулап, Кыргыз Республикасынын «Жергиликтүү өз алдынча башкаруу жөнүндө» мыйзамынын 31- беренесине ылайык, сессия

ТОКТОМ КЫЛАТ:

1. Кочкор-Ата балдар-өспүрүмдөр спорт мектебинин директору А.Усмановдун кайрылуу каты жактырылсын.

2. Кайрылуу катта көрсөтүлгөн 2015-жылдын 7-14-октябрында Жалал-Абад областында өткөрүлгөн Республикалык VII Спартакиадасында  Кочкор-Ата шаарынын жеңүүчү спортчулары  жана машыктыруучулары  акчалай сыйлык менен сыйлансын.

3. Сыйлоо үчүн керектелүүчү 300 000 (үч жүз миң) сом акча каражатын бөлүп берүү жагы Кочкор-Ата шаарынын мэри К.М.Эгембердиевге жана каржы-экономика бөлүмүнүн башчысы Ж.Мамбеткуловага  милдеттендирилсин.

4. Токтомдун аткарылышын көзмөлдөө жагы «Бюджет, каржы, экономика, салык жана инвестиция тартуу маселелери боюнча» туруктуу комиссиясына жүктөлсүн.