АК-МОЮН АЙЫЛДЫК КЕҢЕШИ

ТОКТОМ

Ак-Моюн айыл аймагынын айылдык кеңешинин IX чакырылыштагы I кезектүү сессиясы

2014-жылдын 12-марты № 1

КҮН ТАРТИБИНДЕГИ МАСЕЛЕЛЕР:

1. 2013-жылдын бюджетинин аткарылышы.

2. 2014-жылдын бюджетинен калган калдыкты бөлүштүрүү.

3. Туруктуу комиссиялардын иш планын бекитүү.

4. Арыз-кайрылууларды кароо.

УГУЛДУ:

Ак-Моюн айылдык Кеңешинин сессиясы жогорудагыларды угуп жана талкуулап

ТОКТОМ КЫЛАТ (ЧЕЧИМ КЫЛАТ):

1.Арыз-кайрылууларды кароо.

-Бирлик айылынын тургуну Борис уулу Кайраттын арызы «Айыл чарбасы, жер маселелери жана жайыт маселелери» боюнча туруктуу комиссияга сунушталсын.

-«Шекер-Мүрөгү» ичүүчү таза суусунун башчысы К.Качкынбаев Элдеги карыз акчаларды толук чогултуп бүткөрсүн. Таза сууга акча бербегендерге чаралар көрүлсүн.

-Ат-Башы райондук маданият бөлүмүнүн башчысы Ж.Асаналиевдин айылдык клубга кошумча штат ачуу боюнча жазган каты боюнча «жергиликтүү бюджеттен акча кароого мүмкүнчүлүк жок, эгер финансы бөлүмүнөн караганга мүмкүнчүлүктөр болсо чечилип берилсин.

-Ак-Моюн айыл аймагынын эки клубунун башчылары Ж.Аалиев жана Э.Жанаковдор өрт коопсуздугуна каршы инвентарларды алуу боюнча билдирүүсү канааттандырылсын.

-Ат-Башы райондук мамлекеттик администрациясынын 2014-жылдын 24-январындагы №101 каты боюнча бүгүнкү күндө инициативалуу долбоор менен кайрылган жаштар болбогондуктан жана бюджет ченелүү болгондуктан акча каражатын бөлүүгө мүмкүнчүлүктөр жок.

-«МА-КЕ» ЖЧК тарабынан келген 2014-жылдын 10-февралындагы № 16/09 каты боюнча Түндүк Ак-Сай аянтынан геологиялык изилдөө изилдөө жумуштарын жүргүзүү боюнча Т.О.Ормотоев кийинки сессияга өзү келип катышсын.

-Кыргыз Республикасынын Өкмөтүнө караштуу геология жана минералдык ресурстар боюнча мамлекеттик агенттигинен келген 2014-жылдын 4-февралындагы №05-2/486 катына ылайык аукцион өткөрүү боюнча комиссиянын курамына жергиликтүү Кеңештин депутаттарынын ичинен Ж.Кайыпов комиссиянын курамына мүчө болсун.

-Ат-Башы райондук аскер комиссиары К.Ашырбековдун каты боюнча кышкы формаларга бюджеттин мүмкүнчүлүгүнө жараша 10000(он миң) сом акча каражаты бөлүнсүн.

2. Туруктуу комиссиялардын төрагалары иш пландарын тез аранын ичинде тапшырышсын.

3. 2014-жылдын бюджетинен калган калдыкты бөлүштүрүү.

-2014-жылдын бюджети алымча-кошумчасы менен бекитилсин.