КОЧКОР-АТА ШААРДЫК КЕӉЕШИ

ТОКТОМ

2016 жылдын 22 июну № 01-05/ 266

Кочкор-Ата шаар аймагындагы орто мектептердин, БЧҮнүн бузулган парта-стулдарын ремонттоо жана БЧҮгө килем алып берүү жөнүндө

 Кочкор-Ата шаардык Кеңешинин XXVI чакырылышынын кезектеги XXXVII сессиясы, Кочкор-Ата шаарынын мэри К.М.Эгембердиевдин мектептерди эмеректер менен камсыз кылуу максатында шаар аймагындагы орто мектептердин, БЧҮнүн бузулган парта-стулдарын ремонттоо жөнүндөгү, ошондой эле шаардык Кеңештин депутаты Б.Артыковдун балдар чыгармачылык үйүнүн бий залына 2 (эки) даана килем алып берүү боюнча сунушун угуп жана талкуулап Кыргыз Республикасынын «Жергиликтүү өз алдынча башкаруу жөнүндө» мыйзамынын 31- беренесине ылайык

ТОКТОМ КЫЛАТ:

1. Кочкор-Ата шаарынын мэри К.М.Эгембердиевдин жана шаардык Кеңештин депутаты Базаркул Артыковдун сунушу эске алынсын.

2. Шаар аймагындагы орто мектептердин, БЧҮнүн бузулган парта-стулдарын ремонттоо жана балдар чыгармачылык үйүнө 12х5 өлчөмүндө 2 (эки) даана килем алып берүү үчүн жыл башында калган калдыктын эсебинен керектелүүчү акча каражаты менен камсыз кылуу Кочкор-Ата шаарынын мэри К.М.Эгембердиевге жана каржы-экономикалык бөлүмүнүн башчысы Ж.Мамбеткуловага милдеттендирилсин.

3. Токтомдун аткарылышын көзөмөлдөө Кочкор-Ата шаардык Кеңешинин «Бюджет, каржы, экономика, салык жана инвестиция тартуу маселелери боюнча» туруктуу комиссиясына тапшырылсын.