КОЧКОР-АТА ШААРДЫК КЕӉЕШИ

ТОКТОМ

2016 жылдын 22 июну № 01-05/ 270

Кочкор-Ата шаарынын мэри К.М.Эгембердиевдин кайрылуусун кароо жөнүндө

 Кочкор-Ата шаардык Кеңешинин XXVI чакырылышынын кезектеги XXXVII сессиясы, Кочкор-Ата шаарынын Эл башы айлык акы албай коомдук башталышта иш алып барып жаткандыгын, өзгөчө кырдаалдарда , үй-бүлөлүк талаш-тартыштарда, коомдук тартип бузууларда күндүзү, зарылчылыгы келген учурда түнкүсүн эл көйгөйү үчүн тынымсыз шаардын булуң-бурчуна барууга туура келгендиктен, транспорт үчүн кеткен бир жылдык чыгымын төлөп берүү жөнүндөгү Кочкор-Ата шаарынын мэринин кайрылуусун угуп жана талкуулап Кыргыз Республикасынын «Жергиликтүү өз алдынча башкаруу жөнүндө» мыйзамынын 31- беренесине ылайык

ТОКТОМ КЫЛАТ:

1. Кочкор-Ата шаарынын мэри К.М.Эгембердиевдин кайрылуусу канааттандырылсын .

2. Шаардын Эл башынын транспорттук чыгымына күнүнө 2 литрден бир жылга 480 литр күйүүчү майынын акча каражаты төлөнүп берилсин.

3. Акча каражаты менен камсыз кылуу Кочкор-Ата шаарынын мэри К.М.Эгембердиевге жана каржы-экономикалык бөлүмүнүн башчысы Ж.Мамбеткуловага милдеттендирилсин.

4. Токтомдун аткарылышын көзөмөлдөө Кочкор-Ата шаардык Кеңешинин «Бюджет, каржы, экономика, салык жана инвестиция тартуу маселелери боюнча» туруктуу комиссиясына тапшырылсын.