КЫЗЫЛ–КЫЯ ШААРДЫК КЕӉЕШИ

ТОКТОМ

2016 жылдын 23 июну №41/165

Кызыл–Кыя шаарынын Үй бүлөлүк Медицина Борборунун (ЦСМдин) 2015–жылда жана 2016–жылдын 5 айында жүргүзгөн ишмердүүлүгү боюнча билдирүүсү жөнүндө

Кун тартибиндеги маселени карап жана талкуулап чыгып, “Жергиликтүү өз алдынча башкаруу жөнүндө” Кыргыз Республикасынын 2011–жылдын 15–июлундагы №101 Мыйзамынын 31–беренесинин 2–бөлүгүнө негиз, шаардык кеңештин 2016–жылга кабыл алынган иш планына ылайык, шаардык кеңештин саламаттыкты сактоо, билим берүү, жаштар саясаты, маданият жана спорт маселелери боюнча туруктуу комиссиясынын маселени карап, сессияга сунуштоо боюнча чечимин жана маселени талкуулоодо депутаттар тарабынан айтылган сын–сунуштарды эске алып, Кызыл–Кыя шаардык кеңешинин сессиясы

ТОКТОМ КЫЛАТ:

1. Кызыл–Кыя шаарынын Үй бүлөлүк Медицина Борборунун (ЦСМдин) 2015–жылда жана 2016–жылдын 5 айында жүргүзгөн ишмердүүлүгү боюнча Кызыл–Кыя шаарынын саламаттыкты сактоонун координатору, шаардын Үй бүлөлүк Медицина Борборунун директору А.Турдубекованын билдирүүсү эске алынсын.

2. Кызыл–Кыя шаарынын Үй бүлөлүк Медицина Борборунун (ЦСМдин) жүргүзүп жаткан ишмердүүлүгүндө кетирилип жаткан кемчилдиктерди жоюу, калктын ден соолугун чыңдоого багытталган Туберкулез IV, Жан–Эне, иммунрпрофилактика жөнүндөгү программаларды, Кыргыз Республикасынын Өкмөтүнүн токтомдорун жана саламаттыкты сактоо министрлигинин буйруктарын, көрсөтмөлөрүн жетекчиликке алуу менен саламаттыкты сактоону реформалоону, калкты медициналык жактан тейлөөнүн сапатын, деңгээлин жогорулатуу жана медициналык тейлөөнү калкка жеткиликтүүлүгүн камсыз кылуу боюнча толук кандуу иштерди жүргүзүү жагы шаардын Үй бүлөлүк Медицина Борборунун жетекчиси, шаардык медицина тармагынын координатору А.Турдубековага милдеттендирилсин.

3. Кызыл–Кыя шаарынын Үй бүлөлүк Медицина Борборунун (ЦСМдин) жетекчилигине милдеттендирилсин лаборанттардын квалификацияларын жогорулатуу, тажрыйбалуу адистерди тартуу, анализдерди аныктоочу лабораториялардын материалдык–техникалык базаларын чыңдоо, алардын сапаттуу анализдерди аныктоосуна шарт түзүү менен калкты дарылоонун натыйжалуулугун, медициналык тейлөөнүн калкка жеткиликтүүлүгүн камсыз кылуу багытында максаттуу иштерди жүргүзүү жагы.

4. Ушул токтомдун аткарылышын көзөмөлгө алуу жагы шаардык кеңештин саламаттыкты сактоо, билим берүү, жаштар саясаты, маданият жана спорт маселелери боюнча туруктуу комиссиясына тапшырылсын.