КЫРГЫЗ РЕСПУБЛИКАСЫНЫН МЫЙЗАМЫ

2023-жылдын 12-декабры № 204

2023-жылдын 12-майында Джидда шаарында кол коюлган Кыргыз Республикасы менен Ислам өнүктүрүү банкынын ортосундагы "Суусамыр - Талас - Тараз автожолун реконструкциялоо, IV фаза, 104,6-197,6 км" долбоору боюнча кредиттик макулдашууну жана Кыргыз Республикасы менен Ислам өнүктүрүү банкынын ортосундагы "Суусамыр - Талас - Тараз автожолун реконструкциялоо, IV фаза, 104,6-197,6 км" долбоору боюнча техникалык гранттык жардам жөнүндө макулдашууну ратификациялоо тууралуу

1-берене

2023-жылдын 12-майында Джидда шаарында кол коюлган Кыргыз Республикасы менен Ислам өнүктүрүү банкынын ортосундагы "Суусамыр - Талас - Тараз автожолун реконструкциялоо, IV фаза, 104,6-197,6 км" долбоору боюнча кредиттик макулдашуу жана Кыргыз Республикасы менен Ислам өнүктүрүү банкынын ортосундагы "Суусамыр - Талас - Тараз автожолун реконструкциялоо, IV фаза, 104,6-197,6 км" долбоору боюнча техникалык гранттык жардам жөнүндө макулдашуу ратификациялансын.

2-берене

Кыргыз Республикасынын Финансы министрлиги жогоруда көрсөтүлгөн Кредиттик макулдашуунун жана Техникалык гранттык жардам жөнүндө макулдашуунун күчүнө кириши үчүн зарыл болгон мамлекеттик ички жол-жоболор Кыргыз Республикасы тарабынан аткарылганы жөнүндө Ислам өнүктүрүү банкына кабарласын.

3-берене

Ушул Мыйзам расмий жарыяланган күндөн тартып күчүнө кирет.

Эркин Тоо газетасынын 2023-жылдын 15-декабрындагы № 99 (3548) саны менен жарыяланды