КР Министрлер Кабинетинин 2025-жылдын 12-августундагы № 487 токтомуна ылайык

 КҮЧҮН ЖОГОТТУ

КЫРГЫЗ РЕСПУБЛИКАСЫНЫН МИНИСТРЛЕР КАБИНЕТИНИН ТОКТОМУ

2023-жылдын 15-майы № 245

Кыргыз Республикасында жашыл экономиканы өнүктүрүү боюнча координациялык комитет жөнүндө

Кыргыз Республикасында жашыл экономика принциптерин илгерилетүү чөйрөсүндө консолидацияланган саясатты иштеп чыгууда мамлекеттик органдардын, жергиликтүү өз алдынча башкаруу органдарынын, бизнес-коомдоштуктун, өнүктүрүү боюнча эл аралык өнөктөштөрдүн жана башка кызыкдар тараптардын ишин координациялоо жана Кыргыз Республикасында жашыл бизнеске көмөк көрсөтүү боюнча макулдашылган саясатты иштеп чыгуу максатында, ошондой эле Кыргыз Республикасынын Президентинин 2018-жылдын 31-октябрындагы № 221 Жарлыгы менен бекитилген 2018-2040-жылдары Кыргыз Республикасын өнүктүрүүнүн улуттук стратегиясында, Кыргыз Республикасынын Президентинин 2021-жылдын 12-октябрындагы № 435 Жарлыгы менен бекитилген 2026-жылга чейин Кыргыз Республикасын өнүктүрүүнүн улуттук программасында көрсөтүлгөн жашыл экономиканы өнүктүрүү маселелерин ишке ашыруунун алкагында, "Кыргыз Республикасынын Министрлер Кабинети жөнүндө" Кыргыз Республикасынын конституциялык Мыйзамынын 13, 17-беренелерине ылайык Кыргыз Республикасынын Министрлер Кабинети токтом кылат:

1. Кыргыз Республикасында жашыл экономиканы өнүктүрүү боюнча координациялык комитет (мындан ары - Координациялык комитет) 1-тиркемеге ылайык курамда түзүлсүн.

2. Координациялык комитет жөнүндө жобо 2-тиркемеге ылайык бекитилсин.

3. Координациялык комитеттин ишин уюштуруучулук жана башка камсыздоо Кыргыз Республикасынын Экономика жана коммерция министрлигине жүктөлсүн.

4. Бул токтомдун аткарылышын контролдоо Кыргыз Республикасынын Президентинин Администрациясынын Президенттин жана Министрлер Кабинетинин чечимдерин аткарууну контролдоо башкармалыгына жүктөлсүн.

5. Бул токтом расмий жарыяланган күндөн тартып жети күн өткөндөн кийин күчүнө кирет.

Кыргыз Республикасында жашыл экономиканы өнүктүрүү боюнча координациялык комитеттин КУРАМЫ

Кыргыз Республикасынын Министрлер Кабинетинин Төрагасынын биринчи орун басары, Координациялык комитеттин төрагасы;

Кыргыз Республикасынын экономика жана коммерция министринин биринчи орун басары, Координациялык комитеттин төрагасынын орун басары;

Кыргыз Республикасынын Президентинин Администрациясынын түзүмдүк бөлүмүнүн жетекчиси, Координациялык комитеттин төрагасынын орун басары;

бизнес-коомдоштуктун өкүлү, Координациялык комитеттин төрагасынын орун басары (ротациялык негизде).

Координациялык комитеттин мүчөлөрү:

Кыргыз Республикасынын айыл чарба министринин орун басары;

Кыргыз Республикасынын энергетика министринин орун басары;

Кыргыз Республикасынын транспорт жана коммуникациялар министринин орун басары;

Кыргыз Республикасынын билим берүү жана илим министринин орун басары;

Кыргыз Республикасынын жаратылыш ресурстары, экология жана техникалык көзөмөл министринин орун басары;

Кыргыз Республикасынын маданият, маалымат, спорт жана жаштар саясаты министринин орун басары;

Кыргыз Республикасынын тышкы иштер министринин орун басары;

Кыргыз Республикасынын Улуттук банкынын төрагасынын орун басары (макулдашуу боюнча);

Бишкек шаарынын вице-мэри (макулдашуу боюнча);

"ЖИА Бизнес ассоциациясы" юридикалык жактардын бирикмесинин аткаруучу директору (макулдашуу боюнча);

"Агроөнөржай комплексин өнүктүрүү ассоциациясы" юридикалык жактардын бирикмесинин аткаруучу директору (макулдашуу боюнча);

"Кыргыз Тур-операторлор ассоциациясы" юридикалык жактардын бирикмесинин аткаруучу директору (макулдашуу боюнча);

"Кыргызстан банктарынын союзу" юридикалык жактардын бирикмесинин президенти (макулдашуу боюнча);

"Микрофинансылык уюмдарынын ассоциациясы" юридикалык жактардын бирикмесинин аткаруучу директору (макулдашуу боюнча);

"Жашыл Альянс КейДжи" юридикалык жактардын бирикмесинин башкармасынын төрагасы (макулдашуу боюнча);

Европа бирлигинин Кыргыз Республикасындагы өкүлчүлүгүнүн өкүлү (макулдашуу боюнча);

Швейцариянын Кыргыз Республикасындагы элчилигинин өкүлү (макулдашуу боюнча);

Азия өнүктүрүү банкынын Кыргыз Республикасындагы өкүлчүлүгүнүн өкүлү (макулдашуу боюнча);

Дүйнөлүк банктын Кыргыз Республикасындагы өкүлчүлүгүнүн өкүлү (макулдашуу боюнча);

Эл аралык кызматташтык боюнча Германия коомунун (GIZ) Кыргыз Республикасындагы өкүлү (макулдашуу боюнча);

Япония эл аралык кызматташтык агенттигинин (JIСА) Кыргыз Республикасындагы өкүлү (макулдашуу боюнча);

Корея эл аралык кызматташтык агенттигинин (КОIСА) Кыргыз Республикасындагы өкүлү (макулдашуу боюнча);

Кыргыз Республикасында Жашыл экономиканын кызыкчылыктарында иш-аракеттер үчүн өнөктөштүктүн (РАGЕ) координатору (макулдашуу боюнча);

Европадагы коопсуздук жана кызматташтык боюнча уюмдун (ЕККУ) Бишкек шаарындагы программалык кеңсесинин өкүлү (макулдашуу боюнча);

Америка Кошмо Штаттарынын Эл аралык өнүктүрүү боюнча агенттигинин (USAID) Кыргыз Республикасындагы өкүлү (макулдашуу боюнча).